生日拾 prize

平時已經鍾意食壽司, 收到生日優惠話堂食有 8 折, 梗係即刻幫襯啦, 原來仲有得食住玩遊戲,  食中有字既金碟就有獎品, 估唔到元氣同我都係 3 月生日呢  :)

姑且攞隻黎試下, 真係有呀!!!

D 字好細, 岩岩好呢埋係件壽司下面

又中喇!!!

英文、日文、中文都係講生日快樂!  好岩聽呀 ^^

話易唔易, 話難唔難, 唔覺意食左四碟, 已經擁有 4 次抽獎機會, 不過穩陣派既小慈小明不容有失, 打算食多幾碟抽中吹氣壽司玩具

開始有心得知道邊隻係有料既, 所以已經累積到 7 隻, 佢地話 8 隻就收手, 梗係要收啦, 阿媽冇錢埋單架喇  >.<

最終真係 8 隻!!  連遊戲姐姐都讚佢地好犀利

就係抽 8 次呢部蛋機, 碌出咩野就係你既獎品, 小明好想要個蛋壽司呀!

結果碌中 4 隻公仔, 4 粒 PUFF, 究竟係咩吹氣壽司公仔呢?  好心急呀!

嘩!  勁感恩!  神實在太恩待小朋友, 抽 4 隻公仔竟然 4 隻都唔同樣, 集齊一套!!!

吹漲左真係好可愛, 可以沖涼時玩開心到飛起 ^^

爸爸媽媽就食呢粒超大 PUFF, 味道唔錯噃!

好好玩, 呢個 gimme  唔錯, 令顧客食得好開心 :)