沙巴之旅 Day 2 出海

未瞓醒, 完全未瞓醒, 3:00am 先瞓 6:00am 起身, 絕對好似冇瞓過一樣 @.@  尋晚夜得滯冇為意, 原來酒店有歡迎我 ^^

偉大既阿媽呢個時候當然更加要發揮功用~  落街買麵包牛奶, 然後啜醒我三位寶貝輕說：「沙灘魚仔等緊你呀!」 小慈小明即刻彈起身食早餐換泳衣!!

慌死 room service 執床執走佢地 D 寶貝, 仲識留言添 :D

我地搵左 local tour 包領隊及交通, 帶我地出去玩既 Samantha 話今日浮潛要小心有水母, 小慈小明即刻畫低左, so lovely!

專車車我地去碼頭, 小明咁岩同隻大鼻馬騮坐, 好攪笑呀!

話咁快黎到碼頭

小慈淨係飛機上燒左一陣, 之後完全冇晒事, 非常多謝天父!

我地準備出海, 今日天氣好好呀!

大會提供既 10 歲營衣, 梗係要全部人一齊著住影張大合照留念啦 ^^

28 人浩浩蕩蕩出海

呢程船要搭 1 個鐘頭, 我地要去一個了無人煙既島

差不多全船人瞓晒, 唔覺唔覺就過左一個鐘, 終於到喇!

執齊野落船, 大家都預備左玩具因為呢個沙灘太荒蕪咩都冇

真係了無人煙, 得我地一條船黎咋

呢個叫環灘島

島上有基本設施如洗手間, 地下水沖身, 桌椅等, 呢個景真係一流, 好有夏日的麼麼茶 feel!

一望無際, 沙灘 D 沙滑到不得了, 令人心情大好

竟然仲有滑梯玩!

玩一陣就要上番船, 因為我地要去浮潛

水清到一眼望到底!  大海, 我地黎喇~~~~~~~

小慈有私伙浮潛工具, 不過佢始終有唔舒服, 游左一陣嘴唇變紫要上水, 非常唔甘心

等媽媽同弟弟潛埋你個份啦!  小明第一次浮潛非常自在

成個海都係魚!  為左食麵包, 佢地完全唔怕人, 爭食爭到連我手指都啄埋, 我仲摸到佢地添, 好滑

真係好多魚 ^^

小慈係水面掉麵包幫我地再引多 D 魚黎

小明認為 D 魚咁多係可以用個兜引佢地上黎喎

包海

浮潛消耗太多體力, 上岸食風味午餐

太肚餓, 咩都好食, 不過要同烏蠅鬥快

沙巴既走地雞點煮都好好味呀!

食飽, 小朋友去沙灘玩, 我地搵張網床瞓下先

有風, 好舒服!

有得玩係唔怕太陽曬既

兩姐弟係鍾意玩沙多過玩水

無端端沙灘中間有幾級樓梯, 唔通方便人上落船?

女仔始終岩玩 D

一班預備跳海的小孩

跳呀!

我地班靚媽當然要影下沙龍啦

一班男人都要 man D

sweet, sweet ^^

同寶貝女又影下

呢度真係好舒服, 唔捨得走

跟住我地又上船出海釣魚!  船家為我地預備緊魚餌, 釣大魚要落重本

釣魚應該難過釣墨魚, 姑且試下啦

小明去船尾踫運氣

始終船家先至係高手, 話咁快有魚上釣

總共釣左 3 條!!

石斑黎架!  我地呢 D 新手梗係食白果啦......

回程, 兩隻豬仔立即瞓著......

Samantha 無講錯, 真係有水母呀!!!  好在出現係碼頭附近冇俾佢炸中  :p

返酒店沖個涼成班小朋友精神晒一齊係房玩 UNO

坐車去食晚飯, 時時有專車接送真係高興

已經 friend 晒, 去到邊都一齊坐

今晚去大茄來食海鮮餐, 胡椒蟹咖哩蟹好好味!!

好攰, 大家早 D 抖, 聽日又有消耗體力既活動咯 ^^