馬不停蹄

去完旅行返黎都仲係復活節假未駛返學, 呢個就係放假第一日即刻去玩既好處 ^^  依然有 holiday mode, 對腳仲好似踏緊沙灘咁, 真係好唔捨得返香港!  不過生活仍要繼續, 弟弟要返學校習武, 一字馬話落就落, 佩服!

小明話佢拉緊筋

倒立中, 厲害厲害

一班努力鬆筋的師兄

師父到, 大家俾心機

習武後一班同學仔一齊飲茶

美艷的花花碟

之後要去圖書館搵書做功課, 話咁快做完, 去行下街慰勞兩姐弟啦

幾時都係鍾意公仔

返屋企繼續做功課, 要畫 DIY 布袋送俾老人院既公公婆婆

非常落力

都係祝福既語句

更重要係讓公公婆婆認識主耶穌

我鍾意小慈畫呢幅, 叫公公婆婆落球場跑步保持身體健康

小明就好直接咁對公公婆婆說 I Love You!  仲畫左好多個心心

夜晚仲要學游水

假期係咪好充實呢!

沙巴 Day 6 Bye Bye

話咁快已經黎到旅程既尾聲, 呢三位仁兄瞓到唔願醒

Last Day 早餐特別 enjoy

竟然俾小明發現佢最愛既楊桃, 食到非常肉緊

又周圍行

天空好靚

123 跳!  Good Take!

笑死我喇  :D

小慈決定最後衝刺去游水, 小明有傷唔落得水, 好慘, 唯有陪佢去探心愛既山羊

仲有飛索玩

行下 shop, 呢位小朋友咩都想買返香港, 快 D 趕佢走

好在唔係個個小朋友落水, 又去 games center 一齊切磋下國粹

趕住 check out, 午餐叫 room service

味道唔錯架

包兩架車去機場, 小朋友已經混熟, 指定要一齊坐

密質質

今日冇塞車, 45 分鐘去到機場了

自助 check in 及寄行李服務, 非常方便

等上機

沙巴我最深印象就係水果雪條, 次次都打包返香港今次當然唔例外, 不過而家要入到禁區先可以訂, 一盒 12 支馬幣 $32, 以前有個盒裝住可以寄倉, 感覺上可以頂住 7 小時唔溶, 今時今日俾個咁既密封膠袋我地, 仲要包報紙聲稱可以保存 10 小時之久, 真係有點懷疑......

真係太好味, 即場買 D 食住先

準備上機喇~  等極都仲未入得, 原來佢條上機橋駁唔埋 delay 左半個鐘頭

小朋友又揀一齊坐

好美的天空

機上睇日落, 別有一番風味

好唔捨得分手, 今趟旅程令佢地更加 friend 過打 band

熱切期待下一次旅程!

沙巴 Day 5 Ranger

一早小慈小明就向我展示尋晚復活節 party 既戰利品, 5678支吹泡泡, 仲有公仔呀、手鍊呀、搖搖呀、扭計棒呀...... 滿載而歸, 即席走左出去露台玩

早餐時間, 小明自創壽司大樓, 壽司同烤麵包係佢早餐必食

只要有玩具, 幾 BB 都去玩陣先

小明的傑作

周圍行參觀靚酒店

偶遇酒店吉祥物

換泳衣去游水, 本來想去踩下沙灘, 不過 D 沙實在太熱, 此地不宜久留

酒店有兩個泳池, 呢邊有條慢速滑梯, 又有 crazy walk way, 我地今日進行飛碟大賽

唉~~  出事!  我同小慈玩飛碟, 小明無人看管下自己爬石頭跣親, 整親個下巴流左好多血  >_<  酒店診所得姑娘, 佢提議明天醫生註診時再俾醫生睇下, 傷口唔大但深, 有可能要逢針.... 嗚~~  經商量後, 決定用雲南白藥同佢止血先, 如果止唔到聽日先再睇醫生

下午參加酒店活動 - Ranger Experience, 學習照顧動物, 岩晒包住膠布既小明

酒店有雞、鴨、山羊、馬騮

為小動物預備食物

準備將剛才切好既食物攞去餵身後既山羊, 好餓呀佢地, 一見人就衝晒落黎

做得好, 得到證書一張 ^^

酒店真係有好多野玩, Games Area 我地黎喇!

第一次玩桌球

小明眼神有煞氣想爸爸白波入袋乎?

呢度可以打乒乓球、打桌球、打麻雀及進行各類棋類活動, 休閒咁消磨一個下午

太陽夠鐘落山, 我地去沙灘睇日落

好靚呀~~

天邊一片落霞

仲可以打沙灘排球

夜晚我地去食鐵板燒, 小朋友等食時玩 UNO

好豐富既食物

通常食鐵板燒最高興係睇廚師表演, 我地個廚師 Hamizan 都幾攪笑, 表演疊高 5 隻雞蛋, 又請小朋友出去玩拋蛋

夜晚我地返房浸 jacuzzi 同睇電視, 非常休閒的一天  ^^