維園年宵

好多年冇夜晚去維園行年宵花市, 對上一次仲係弟弟跟幼稚園老師日頭去, 夜晚更加係唔知幾多年前咁耐  ;p  今晚 7:00 已經食完晚餐出發, 交通順利唔駛 1 個鐘就到, 去到已經人頭湧湧喇~

免費揮春送贈, 祝大家出入平安, 一團和氣!!

繞場一周, 食下冰糖葫蘆、糖蔥薄餅 ^^  不過真係太多人, 俾小慈小明感受下咩叫聞 pat pat, 人逼人真係唔駛點用力就可以向前行, 亦都因為咁, 竟然有兩位大叔因批踭問題大打出手, 打到眼鏡飛脫粗口橫飛, 嚇到大家雞飛狗走! 咁既場面都見識到, 呢個年宵真係難忘~~~~

重點 -- 耶穌是主!

檔檔都賣馬騮, 行均全場發現猴犀利既馬騮最得意最軟滑, 咩都唔鍾意淨係鍾意公仔既小慈小明對馬騮愛不釋手, 好啦, 出黎行都預左買禮物俾你地, $108 一隻不二價照買!  最緊要開心 ^^

滿載而歸 :D

返屋企曬冷戰利品

呢對手長腳長既金絲猴, 小慈小明已經幫佢地改左名, 一隻叫奇奇, 一隻叫 Brownie

Happy Year of the Monkey!!  wo wo ah ah~~~