熱辣辣的情人節

今日係好特別既日子~~  首先, 創新高有 27 度!!  陽光普照, 天晴溫暖, 終於可以掉低件羽絨輕鬆下!  第二, 今日係農曆正月初七, 人日, 人人生日;  第三, 今日亦係新曆 2 月 14 日, 情人節, sweet sweet;  第四, 今日係主日, 星期日, 返教會同主耶穌一齊慶祝 ^^

天氣好大家心情都靚, 小慈小明忽發奇想一人拉爸爸一隻手借力行上教會條大斜路, 好在爸爸而家對手好番 D 咋....

爸爸話情人節晚餐等佢係屋企煮唔好出街同人逼, 於是我地一齊去街市, 爸爸去買餸, 我地去探嗲到不得了既貓貓!!  真係出現呀, 初時見到一隻, 主動埋去擦小明, 大家起勢咁摸佢, 摸摸下第二隻喵左幾聲又出黎擦小慈, 兩隻貓一齊嗲人真係好少見, 氹得小慈小明好開心, 小明不停話隻貓好鍾意佢 :)  我坐係度睇住佢地, 隻貓瞄左我兩眼就跳上我大脾安座, 瞓到闔埋眼, 睇到小明眼都凸埋, 不停想我將隻貓移去佢大脾 :D  隻貓都識揀啦, 邊個對大脾多肉好坐, 佢咪上去羅!  不過貓貓真係好多謝你, 俾左咁愉快既經驗我地, sweet 爆 ^^

大廚爸爸今晚為我地預備左雞絲碗仔翅, 芬香撲鼻, 勁有水準呀~~

仲有, 秋秋牌鎮江餚肉, 真係超好味!!  未攞到出廳, 我地已經係廚房食晒咁滯  :D

有說, 情人節只係 365 日中既其中一日, 如果有愛, 日日都係情人節!!  送上靚到不得了的花海

花海日與夜

Happy Valentine's Day~