美麗的美麗的家

極力爭取之下, 我地終於有機會過年期間一睹美麗姨姨新裝修既屋企 ^^

真係好靚呀!  花園好大好靚, 又養龜龜叫將軍, 又有熱帶魚又有淡水魚, 仲有勁多植物, 目不暇給, 睇到心感興奮 :D

花園既植物吸引到附近既雀仔日日黎開餐, Peter 叔叔捕捉整個過程, 影得好靚好靚呀!

花園大到可以踩單車

我地今晚就係呢個靚花園度打邊爐

好好味呀!!  帶子大大粒, 皇帝蟹棒勁好食, 手切肥牛, 真係手切架, Peter 叔叔操刀

室內光猛實用, 點解可以整到咁多櫃放精品架?!  非常羨慕~

我非常欣賞房入面呢隻窗, 專登開黎望出面花園既魚缸!  瞓唔著仲可以睇埋魚樂無窮, 咁都諗到真係好聰明!!!

小慈小明玩 Wii 玩到阿媽唔認得, 1 個打 10 個打到右手手臂冇力  >.<

飯後果, Peter 叔叔批蘋果皮係唔斷架!  果皮仲留番黎喂龜龜將軍, 好環保呀!

唔理手痛, 有得玩就狂玩, 小明逗利是時, 小慈把握時間繼續 Wii~

好耐冇同茜婷姐姐, 茜儀姐姐影相, 大個晒喇~

好友相聚無所不談真係好開心 :)