節目多多的一天

今日行程非常緊湊, 一早返教會之後團契, 小慈小明最開心就係有得團契, 因為佢地可以入 BB 房狂玩, 玩番自己細個時玩既玩具唔知點解特別開心

媽媽今日非常緊張, 因為第一次帶團契, 程序表出現自己個名感覺好特別

弟兄姐妹彼此分享, 互相分擔真係好快樂!  大家今日暢所欲言傾極都仲有, 完左團契即慶去公和食豆腐花

小慈小明每次食豆腐花都勁落黃糖, 比例大約 1:1 冇走雞.... 甜到呢....  >.<

爸爸兌現承諾, 弟弟學識踩單車就買架新單車俾佢, 趁今日有時間就帶埋佢一齊揀, 黑色車好型仔呀!  有新車弟弟梗係開心啦, 仲話想踩返屋企 ^^

店長俾弟弟試車, 教佢急停

提早同爺爺慶祝生日, 一齊食好好味既九層塔!

大家都好心急想食, 發功要佢快 D 滾~~~~

等佢蒸起要半個鐘, 終於有得食喇!

一個九層塔供四位用, 我地 8 個人叫左兩個九層塔, 弟弟反應非常快：「18層咪高到上天花板囉?  我隻手唔夠長咁點夾呀?」呵呵~~  原來係將兩個九層塔夾埋一齊煮, 大份 D, 都係九層  :D

吻賀壽星公

爺爺個樣相當陶醉  ^3^

為求影出最佳角度, 3 位乖孫非常合作 re-take 幾次  :)

爺爺生日快樂!  身體健康!!