鋼琴聖詩音樂會

好少機會可以聽鋼琴獨奏, 今次更加係鋼琴聖詩獨奏, 仲要免費!  實在太吸引冇理由唔去!  不過都有少少歧視小朋友, 未排隊入場已經俾 1 個 2 個 3 個職員吩咐小朋友入場後要好安靜, 唔好失禮呀, 小慈小明!

第一次黎到聖公會諸聖座堂, 細細間但好靚好特別既教堂呀!

羅乃新老師今日為大家彈奏 14 首詩歌, 由不同既人改編而成, 其中仲有金培達 & 徐偉賢 ^^  音樂會開始之先, 牧師帶領會聚同心禱告, 不論彈既, 聽既, 都一同進入敬拜裡面.  好奇妙, 由第一下琴聲在教堂裡縈繞, 我全身既雞皮就豎起晒, 仲隨住樂聲始起彼落, 從來都未試過!!  天父, 真係好好聽呀!  我最鍾意《耶穌愛我》我小學時最愛既一首詩歌, 實在太感動喇~

真係好感動, 非常多謝羅老師的演繹, 你既鋼琴又好聽又好睇!  為你感謝神!

小慈小明都主動寫番心意咭俾羅老師, 讚嘆不絕!

今日已經好驚喜, 更加估唔到既係會後竟然有茶點招待!!   而我地真係有 D 肚餓, 唔客氣食左幾件 tart :D

好開心!  小慈小明努力練習鋼琴, 你地都一定彈到鋼琴聖詩架!!