一日遊第一站我地去左魚則魚涌公園
巡例影番張大合照, 我地蹲左係前排中間呀
公園旁邊既海傍, 遠望獅子山同埋係小朋友都識既 Mega Box
偶遇黃校長, 小明非常自豪黃校長識佢又叫得出佢個名, 仲話同校長好熟成日傾偈添
呢位係視藝科蘇老師, 佢話小明好鍾意做視藝, 但有時枱椅有 D 混亂, 性格十分活潑..... 蘇老師講說話真係厚度 :D
行左咁耐查實我地第一站係去個名有 10 個字既「葛量洪號滅火輪展覽館」
好大隻消防船呀!!
小明表現興奮, 由船頭行到船尾, 間間房都巡邏過, 連人地邊格櫃筒放鎖匙都知
如果有得試下射水就好喇~
偉大的消防員
第二站我地去香港海防博物館
參觀前攞本指南先, 黃校長熱心幫助唔夠高既小明, 得戚地：「我都話同校長好熟架啦!」
1885年，為防禦法國及俄羅斯的威脅，註港英軍決定在鯉魚門水道南面的岬角修築鯉魚門炮台，防衛維多利亞港東面入口，堡壘是整個防衛體系的核心，是當時香港最具規模的海岸防禦設施、無懈可擊的防衛。香港海防博物館就是由具百年歷史的舊鯉魚門炮台修建而成的
在中央炮台及彈藥庫前相遇的是譚副校長, 佢記得小明有個家姐, 因為佢話佢兩個餅印一樣喎!
地方大, 但呢度好少人
小明身後的「1887」為堡壘入口，內有 18 間地下室、2 個 6 英吋口徑炮位配備兩門後裝隱沒式大炮，我地而家黎感受下昔日鯉魚門炮台既軍事力量喇~
多座炮台依山勢分佈岬角, 各炮射程不一完全覆蓋整個海岬, 咩方向都射到所以堪稱無懈可擊! 昔日既防衛武器唔知而家仲用唔用得既呢?
第一次參觀堡壘, 18 間地下室依山而建, 地型好複雜
紅磚天花, 好型! 令我諗起三隻小豬故事入面個隻磚屋豬, 好穩固安全既感覺
弟弟問我攞左部相機影相, 搵左校長做模特兒, 真係好熟喎!! 哈哈哈~
特別展覽介紹香港的抗戰歲月, 3 年零 8 個月唔易捱, 真係打仗的話人命就如草菅
小明留心聽講解
弟弟好鍾意戶外參觀, 跟住地圖搵晒所有地標
呢度係北溝堡, 溝堡係一種隱蔽既防禦建築物, 用以抵擋敵人從陸路進入堡壘, 牆身特厚可抵禦炮火, 更設有多個槍洞可伸出步槍攻擊敵人
壕溝 -- 建造壕溝先要在岬角挖掘深坑, 用鑿出的石塊堆砌兩邊高牆. 當敵人進攻堡壘時, 必須先攀越圍繞堡壘的壕溝, 用來拖延敵人進攻時間
睇完沉重既歷史之後都係時間醫肚, 人生存基本條件都係 3 餐 1 宿, 未滿足呢個條件之先咩都係空談, 有時都幾無奈.... anyway, 食飽先講!
二望班終於見到佢地最喜愛既班主任蔡老師 ^^
校長路過當然唔放過啦 :D
呢餐飯就豐富勒, 我指既唔係食物, 而係小明抽獎大豐收!! Table prize 又抽中佢個號碼, 400 人裡面又抽中佢上枱玩遊戲有口難言, 好幸運呀!! 呢餐飯食得好開心 :)
食飽飽我地又出發! 第三站我地到 N 年冇去既淺水灣, 考眼力, 我同弟弟係邊度?
8 度既淺水灣沙灘, 遙望海洋公園, 弟弟即刻雙眼發光
第 4 站我地去超視覺藝術館
藝術館雖有兩層, 但呢度其實好細, 人少少黎當然最理想啦, 不過大家都好合作影相時互相就位
小明好有喜劇效果, 表情多多超攪笑
藝術館仲有職員幫手揸機影相
職員教埋我地造手姿勢, 影出黎效果好好呀 ^^
呢張要弟弟瞓低影鏡既倒影, 好特別架! 弟弟話佢扮飛緊時仲大叫喎, 我話佢似攰想瞓多 D
森林之王與萬獸之王
弟弟好鍾意呢隻大笨象, 差 D 唔肯落地
老鼠遇上貓 ^^
同學仔王熙賢
同學仔
去左好多地方, 大部分都係室內唔駛吹風, 不過上上落落旅遊車都好攰, 弟弟回程時更加係車度瞓左 zZZZzzzZZZzzzzz
好玩!! 一次過去晒我想去好耐既地方! 開心 ^^
沒有留言:
張貼留言