教會佈置得好靚
Set 頭、化妝、執齊架生 ...... 攪掂晒!
辛苦晒文慧姐姐、靜恩姐姐扮到花女咁靚咁可愛 ^^
靚爆鏡!
美麗姨姨 Peter 叔叔都忍唔住要同小慈小明留影, 讚嘆小明個頭型爆 ^^
花仔 - 小明、思源 花女 - 小慈、小雅
出場喇~~~~
婚禮簡單而隆重溫馨~ 記得牧師話: 介指係圓形既, 代表上帝完全既愛, 戴上介指, 帶著上帝進入婚禮裡面! Forever and ever Amen!
花女由頭到尾坐定定好乖, 花仔唔記得就座, 後來坐低冇耐一聽到交換介指就彈起行番出黎, 其實佢地帶左對介指入會場就任務完成架喇! 實在太興奮, 好在冇防礙婚禮進行
禮成!!!! 恭喜倪生倪太!! 亦都恭喜花仔花女完成歷史任務 ^^
城潮浸大合照
話說小明唔慣 gel 到個頭咁高, 典禮期間自己得閒扯下, 得閒又按下, 終於個頭完全扁晒...... 小慈就猛話對白皮鞋好似細左頂腳趾, 為免有任何閃失, 帶埋對波鞋俾佢換, 冇投訴
漫步由教會行去晚宴會場, 仲有水尾既聖誕裝飾睇下
到達會場, 簽名留念
完全冇諗過小明會簽到個名咁...... 長!!! 失禮晒呀 @.@
終於影到張花仔花女大合照喇~ 靚靚靚
頌恩姨姨艷光四射, 做大姑奶係唔同 D
新娘唔得閒都可以同張 poster 影住先, 呢個意念 very good 呀!
極攪笑! 出年可以做年曆咭 :D
今晚我地升 le 同劉明哥佩思姐、玉音姐濂哥同枱食飯, 榮幸之致! 小明仲可以同主日學導師惠清姐姐坐, 不知幾開心
趙壁礎牧師係我其中一個好欣賞既牧師, 佢寫左首詩俾新人, 好 sweet 呀!
Laura & 承恩, 好多謝你地邀請小慈小明做花仔花女, 真係一生人難得一次既經驗, 好榮幸, 好感恩! 你親手整既花球, 我地會好好珍惜, thank you!
祝福你地!!
沒有留言:
張貼留言