凍凍凍凍凍..... 凍到唔駛返學!!

今朝實在非常唔願意起身, 溫暖的被窩吸引力實在太大!  但星期日係要返崇拜的, 留到 last minute 先衝出被窩, 怕小慈小明冷親, 換衫時叫佢地照著埋睡衣打底當底衫, 笑到佢地死, 無懼嚴寒, 飛的返教會!!

大風吹到弟弟行唔郁!  條街不知幾乾淨

真係唔講得笑, 教會得 2.7 度!!  牧師問我地想唔想暖 D?  叫我地即刻俾個溫暖既笑容附近既弟兄姐妹 :D

真係太凍, 第一時間閃番屋企, 傍晚竟然傳來好消息!  星期一全港小學生唔駛返學, 因為市區平均 3.1 ℃, 大帽山更出現 -6 ℃, 自 1957 年以來本港最低溫度, 亦是本港有史以來錄得第三最低溫, 59 年來未試過咁凍仲要落雨, 大部份小學幼稚園都冇暖氣設備, 故停課一天!!  小慈小明開心到大叫!!!

真係咁凍?  係!  屋企而家得 5.5 度咋, 關晒窗開晒暖風機攬住暖水袋都仲係震~~~~~

呢篇網絡文章真係笑到我肚痛!

天氣差, 心情唔好既時候, 家, 特別溫暖 ^^