今日, 係我人生裡面其中一個非常重要既日子, 我真係好開心, 心情非常激動! 回想當年讀完書要搵工做, 立志要做幼稚園老師既我, 誤打誤撞真係去左間幼稚園度 interview, in 我既校監當年話幼師冇位但文職有位, 叫我做住先遲下薦我去讀書. 遲下遲下, 當然冇左件事啦, 仲俾我發現同工唔同酬, 除左包伙食正之外真係咩福利都冇, 病左要自費睇醫生仲要扣糧, 真係返到好氣餒.... 咁岩當時幫秋秋搵工, 睇睇下發現自己條件原來唔差, 出面待遇仲好好添, 份份工都好似向我招手咁, 於是偷偷地走去 interview. 第一次黎呢個地方, 我記得轉左幾次車, 搭左好耐巴士先到, 但一落車我嘩左一聲「呢度好靚呀!」已經決定要黎呢度返工! 估唔到, 一返返左 20 年!!! 諗起都覺得匪夷所思 ^^
5 周年校慶既時候我返工冇耐, 今年 25 周年喇! 25 年裡有我 :)
多謝老公山長水遠入黎同我慶祝, 見證我既重要時刻之餘仲買花俾我添! I love you ^3^
特別嘉賓 ^^
弟弟今日做攝影師幫我影相, 有高手教佢點影靚 D ^^
典禮要開始了~~
20 年前的我
獲獎的一刻~~
呢個 moment 我要多謝我既家人!
我的大老闆黎太, 佢都係一個敬虔既基督徒
我的同事們, 佢地好多都係元老黎架, 我係部門入面最後生, 最遲攞老人牌既一位 :p
多謝校長、首席副校長 & 副校長, 佢地笑我係童工 XD
打滾左 20 年既我, 相識遍天下 :)
今日令我最感動又驚喜既係, 除左我最愛既老公同弟弟黎捧場之外, 就係我既頂頭老細送花俾我!! 明明佢今日放假都專登返黎出席我既典禮!! 多謝佢廿年前慧眼識英雄請左我, 佢一直都好錫我, 好關照 ^^
同屆得獎人士 -- 我, 阿華, Annie, 我同 Annie 仲返埋同一間教會添! 世界有時好細~
好多同事捧場, 真係好高興呀!
多謝你地黎既每一位
大大大大合照
廿年... 得到既係 1 安士紀念銀幣一個
仲有校長親筆簽名既證書 :)
返屋企第一時間同我心愛既小慈影相! 佢今日陸運會要參加比賽趕唔到去會場觀禮扁哂嘴架, 好在佢都攞左兩個獎同我一樣咁開心!
全家幅
我的禮物陣營幾龐大, yeah! 風頭一時無倆 :)
今年仲係大豐收既一年, 廿年來第一次, Christmas Party 抽中頭三獎!! 校長親自頒發禮物俾我 --- 勁大 LCD Monitor ^^
我真係好開心! 感恩天父俾我係呢個風景優美, 同事精簡既環境下工作. 我一直渴慕既都係平平凡凡、簡簡單單既生活, 一家人齊齊整整, 安安穩穩過日子我就已經好快樂! 感激感恩我所擁有既一切~~
