Encore 黑色世界

小慈聽日學校旅行, 意味住唔駛交功課, 咁咪可以唔做住羅?!  好, 即刻拖埋弟弟玩最後一晚既迪士尼黑色世界, 放工入去玩到 11:00PM 先走, YEAH!

天氣實在太好, 連咸蛋黃都俾我地見埋 :)

兩姐弟始終唔喜歡妖魔鬼怪

都係鍾意 Castle 多 D

好野!  趕得切睇最後一場 Golden Mickey

弟弟無端端訓小慈家姐大脾, 小慈即刻受寵若驚郁都唔郁俾弟弟訓, 佢兩個真係相親相愛架

小慈勁鍾意今晚既 BiBi, 佢話: "BiBi 係香港人黎架!  佢講野冇歪音!!"

買左兩個公事包

弟弟話: "我返工喇~"

其實入面係個包, 加支水仲有條粟米, 明明係兒童餐, 非常奇怪地個包既醬汁係 wasabi, 差 D 辣死小明 >.<

睇多次黑色巡遊, 事關弟弟鍾意聽到亞 Jack 叫 " HO HO HO"

 小慈小明唔講都唔知呢個叫富克船長

一睇完巡遊本來想衝去玩車仔, 被呢隻 5 分鐘既太空飛碟吸引左去!  好興奮, 因為太耐冇玩過以為係新遊戲, 小明要求玩多一次 :)

雖然車仔話要排 45 分鐘, 但兩姐弟話幾多分鐘都要玩, 終於我地排左唔夠 30 分鐘就 OK, 可惜爸爸唔係度, 小慈又未夠高一個人渣車, 唯有三個人逼埋一架車仔, 好在我地夠瘦咋 :P

順路玩埋巴斯光年 2 次

兩姐弟抱住勞蘇勁索佢 D 士多啤梨味欲罷不能, 不過屋企實在太多毛公仔唔係都會買俾佢地

夜媽媽小明都要求去玩森林河流之旅, 船長一熄燈就黑到伸手不見五指, 勁刺激

9:30PM 呢頭已經無人, 迪士尼姐姐們成疊成疊貼紙咁送晒俾佢地, 開心晒

一入場已經羅 Pooh Pooh Fast Pass 要到 9:50PM 先有得玩

太多野想玩唔夠時間, 最後衝埋入去迷離莊園, 離開時就聽到迪士尼廣播話已經到左關門時間, 真係好盡慶呀!

如果迪士尼日日都開到 11:00PM 就好啦, 我地張 FAST PASS 會抵好多 >v<

小童軍

要升上 K3 先可以參加小童軍, 小明已經期待左好耐, 終於今日第一次集會 ^^

每人有一套度身訂做既制服, 橙色好搶眼好醒目 :)

每人一本小童軍記錄簿, 每次集會後都會派發程序表等家長都知道佢地玩左 d 咩

有團規, 非常認真

念口號: "小童軍向前進", 跟住我唱小童軍主題曲, 弟弟有咁既反應:

弟弟: "啊~~~~~~~~  媽媽, 你改歌詞!!"

我: "咩呀?  老師話係咁唱架!  (即刻指俾佢睇)  用 London Bridge is falling down 既旋律呀!"

弟弟: "咩叫旋律呀?

我: "即係一首歌既音, 不過配上唔同歌詞, 英文堂 Mr Jack 都有唱 We are going back to school, back to school, back to school.  We are going back to school in September, 都係用 London Bridge is falling down 既旋律, 唔係亂改歌詞呀"

就係因為佢地之前試過亂唱, 將 d 歌改晒屎屎尿尿 pat pat 俾我話過, 弟弟入晒腦就記住改歌詞係唔岩  >.<  一場誤會, 不過證明俾我知弟弟真係好聽話又好記性  ^^

真係估都估唔到, 4 組小童軍 -- 恩慈組 (紅色), 喜樂組 (藍色), 良善組 (黃色), 信實組 (綠色), 弟弟正正就係編為 "恩慈組" ^^  我同弟弟講, 岩啦, 每次小童軍都掛住小慈家姐, 小慈都難以致信, 不停話好攪笑 :)

醒目仔 :)

背脊有字架

zoom 近睇清楚 Hong Kong Grasshopper Scout

要聽聽話話呀, 小童軍

小童軍好好玩, 好多遊戲, 仲可以 outing, 校長透露話會去挪亞方舟, 諗起都開心 ^^

小明大作

上左幾堂畫班, 弟弟適應晒 Calvin 哥哥既風格, 第二堂已經乖乖地坐定定又跟足指示, Calvin 哥哥對佢讚不絕口 ^^

呢個位係弟弟既, 每人都有一張紙條放顏料, 因為 Calvin 哥哥唔想洗畫碟, 有一碗水洗畫筆, 一條毛巾抹乾淨支畫筆, 油每隻色都要咁做幅畫先乾乾淨淨, 色彩分明

差不多每一堂都有一幅作品, 一次畫圖畫, 下一次就會做手工如此類推

水彩畫 -- 呢隻係小明船

小手工 -- 象形文字小螞蟻 ^^

城潮浸75週年鑽禧會慶

一間 75 年的教會有著很漫長的歷史, 經歷過戰爭的洗禮, 會址擴建重建, 人數天天增多孕育了幾代的基督徒, 在九龍城這地方見證著神的恩典和慈愛

2011 年, 我們這一家加入城潮浸只是短短兩年多的時間, 有幸見證著教會 75 週年鑽禧會慶的大日子, 能參與一連串會慶活動, 在教會的歷史中留下小小腳印, 真的很興奮 ^^

今日就參加會慶感恩祟拜

有機會上台獻詩讚美感謝神, 前排係我地教會獨有既泰語詩班, 我係後排呢   :)

與教會三位牧師及所有執事傳道同工合照

小小紀念品

一齊為主發光 ^^

會慶活動 - 參加逾越節晚餐

競技同樂日

右下角見到我地嗎?

我地作為會友既會友心聲

城潮浸 75 歲生日快樂 ^^  Happy Birthday  ^8^

Hello 蝦仔

好得意, 呢 d 樽仔顏色好靚, 入面仲攪笑, 住左 d 超級迷你蝦仔呀!

見唔見到呀?  蝦仔開心既時候會變紅色, 好驚個時會變白色, 唔駛餵唔駛換水, 因為呢個玻璃球已經係一個小地球, 只要有空氣有足夠水份室內有燈光, 棵樹已經可以製造微生物俾蝦仔食, 蝦仔既排泄物又可以養微生物咁, 循環不息

弟弟勁鍾意 d 蝦仔, 眼甘甘望左好耐, 100 條問題想問

繼 Jimmy 之後, 我地屋企又多左新成員喇

蝦仔好睇不過唔摸得, 造就左 Jimmy 可以出黎散步

弟弟都仲係好驚 Jimmy d 爪, 有咁遠離咁遠

Jimmy 不停想搵地方呢埋, 小慈就嚴密監控唔准佢呢埋一定要佢散步 >.<