QB

小明個頭, 由細到大都係我剪既 :)

佢 d 頭髮好柔軟, 唔駛太多技巧只要剪到唔貼耳仔就 ok

近來都唔知自己忙咩總之日日都唔得閒, 眼見小明個髮型越來越似女仔, 今晚路過就帶佢去飛個靚髮

第一次幫襯, 用八達通買飛咁方便, good!

勢估唔到剪頭髮既姨姨問佢一句: "夠 5 歲未呀?"  下?  有年齡限制既咩?  唔係肯坐定就得架啦咩?!   好在姨姨都肯同佢剪

夠架喇, 夠架喇, 下個月就 5 歲架喇

點呀?  點呀?  個蛋噠頭靚唔靚仔呀?

出街剪髮既好處就係唔駛清潔!  姨姨用一個吸塵機喉管由頭吸到膊頭吸走 d 碎髮, 再用掃把將地下 d 頭髮掃埋一邊, 叫弟弟埋去幫手禁制就 " 鼠" 一聲索走晒地下 d 頭髮, 好方便!

最後, 姨姨仲送左把梳俾弟弟留為紀念, 唔怪得 QB 分店越開越多, 因為真係平靚正快!