BBQ

秋天天氣實在太好, 忍唔住好想去郊遊親親大自然

諗緊我地呢 d 生手去邊度行山之際, 爸爸就話不如去 BBQ 啦?  依, 又得姐!

又要近, 又要有位泊車, 有得行山又可以 BBQ, 我地揀左去西貢北潭涌, 環境唔錯啊 ^^

帶晒望遠鏡同放大鏡去做考察

一去到已經遇見大大隻牛!!

小明又要驚又要睇, 俾佢搵到個好位隔住欄杆就放心望住牛牛好耐

今日著綠色衫去大自然就岩晒, 有保護色 ^^

發現大蜜蜂, 兩隻唔同種既蜜蜂仲爭食打交添

超級大蜘蛛就係兩棵樹中間, 成隻大過手掌架

爸爸透爐最拿手, 簡直係專業

話咁快就可以燒野食, 通常一定係腸仔出場先

呢張相係小慈幫我地影架

小明都唔執輸要求幫我地三個影相, 又幾唔錯喎

之後仲咋咋帝帝唔肯放低部相機話要做攝影師, 呢兩張係弟弟既作品 -- 採花蜜中既蜜蜂

攝影作品二 - 小明的玩具

每次當我地要加炭, 小慈小明就爭住幫手撥火, 火起時兩姐弟不知幾有成功感

小慈其實好鍾意照顧弟弟, 成日當佢 BB 咁湊佢, 餵佢, 抱佢, 弟弟又好合作好開心咁俾小慈家姐照顧, 望住佢兩個就好好笑

太陽落山好快天黑, 附近連燈都冇盞一定要執野走, 就係我地執緊野之際, 周圍有點點綠光, 原來呢度有成堆螢火蟲!!!!!!  超級驚喜!  我第一次係香港見到螢火蟲, 好開心^^

每次望住自然世界藍天白雲花草樹木我都驚嘆不已, 神造萬物真係好奇妙, 好靚好靚!

神造宇宙偉大無窮誇啦啦!!  神造宇宙真使我驚訝!!

神真美好, 感謝你 ^8^