哈! 就係弟弟一句: "有冇機會去沙灘呀?"
梗係有! 不過我地唔係去游水, 去摸蜆搵蟹仔好唔好?
好多年冇黎過白石喇, 對上一次小慈得 3 歲半, 弟弟仲係 BB! 呢度冇咩點變, 唯一係周圍附近已經起緊好多新樓盤, 落成之日怕且都係呢個沙灘消失之時
今日天朗氣清陽光普照!! 爸爸話潮退時間係 11:00am-2:00pm, 我地把握機會玩耐 d 未夠鐘已經黎到 ^^ 沙灘冇人, 我地行下行下發現勁多蟹, 見唔見小慈小明身後既白色一粒粒野呀?
成個沙灘都係, 好似大逃亡咁, 佢地個名叫 "海和尚", 又名兵蟹, 珍珠蟹
佢地行得好慢, 好易捉, 小慈小明勁開心
又笨得好可愛, 用 d 沙堆住自己就當呢埋左, 勁得意
呢隻係一隻非常惡死既寄居蟹
小白鷺出沒注意, 靜 d 呀......
無啦啦今日 32 度仲以為秋風送爽, 玩一個下晝兩姐弟又變炭, 弟弟個頸背仲成個哈哈笑印添
依? 咩黎架?
蟹仔咪走!!!
捉到!! 招潮蟹一隻!! 佢又叫大眼蟹, 隻巨鉗真係好有型~~
今日既收穫係 3 大桶, 其中一桶全部都係弟弟捉既螺
放生時間~~~ 多謝你地陪我地玩左幾個鐘呀 ^8^
好耐冇出街食飯, 因為今日摸唔到蜆, 我地好變態咁出去食蜆, 食蟹 >o<
仲有呢個馳名冰鎮大菠蘿, 又甜又好味 ^^
由我大住個肚已經黎呢度食蟹, 靚姐仲大大鼓勵大肚婆食蟹話多鈣, 細路仔骨同牙都好唔怕敏感! 所以當佢地見到弟弟面仔圓圓精精靈靈咁, 不知幾開心 :)
沒有留言:
張貼留言