話咁快又到 Book 3 開學! 驚喜在 Book 2 入面既 8 位小朋友全部都留低升班! 小慈同冬晴熙熙繼續同班 :)
不過課程唔講得笑, 一開始已經彈 chord - dms tfs fdr str fld mtd... 經過時間既洗禮, 小慈手指仔開始有力, 3 個音一齊彈都難唔到佢, 轉手指就肯定要再練習先會純熟, 加油呀, 小慈!
放學同熙熙一齊食壽司! 可能太開心, 熙熙由上堂到落堂不停話俾人聽佢一陣要去食壽司, 事實上佢又真係食好多, 仲同我一樣鍾意食三文魚 & 鰻魚, 識貨呀~
Wendy 姨姨誠邀我地一家參加佢教會既 「愛到底」 福音佈道會, 係香港亞洲博覽館展館內舉行, 有詩歌敬拜, 感人的見證及訊息分享! 我好耐冇參加過佈道會, 又想聽見證, 於是同團契請假一家齊齊整整出席, 小慈都好興奮因為佢認得佢黎過呢度睇清明上河圖! 一開始既詩歌分享已經令我淚流滿面, 小慈問我點解喊? 我答佢呢 d 係開心既眼淚, 主耶穌愛我, 主耶穌愛你, 一直愛你愛到底!
《聖經》 約翰福音13章1節 祂既然愛世間屬自己的人, 就愛他們到底
He loved his own which were in the world, He loved them unto the end
我究竟有咩好? 滿身缺點不是, 有時連自己都討厭自己! 當有人同你講無論你點我都會愛你, 有困難時一定會幫助你, 孤單時與你同在, 只有你唔要佢, 佢永遠都唔會離開你, 更加愛你愛到為你犧牲自己, 點解仲會滿腦懷疑不信嫌棄? 做基督徒真係好幸福, 我地有愛, 有盼望, 有依靠, 因為我地信有神!! 願你都感受到耶穌愛你!!
分享呢兩首我第一次聽, 但聽到我喊既詩歌, 主耶穌愛你!!!
愛到底 (詞 : 李志偉 曲: 吳佳明)
http://www.youtube.com/watch?v=jbl9vKDgPWM
為什麼要等到失望的時候 我的心靈才轉向祢 我的主
彷彿在人生絕境 我才聽見十架的呼喊
主的愛 向我完全敞開
為什麼要等到絕望的時候 我的心靈才投靠祢 我的神
彷彿在生命曠野 我才體會十架的傾倒
主的愛愛到底 永不止息
耶穌愛我 祂幫助我 渡過一切的困難傷痛和難過
耶穌愛我 祂充滿我 祂以恩典圍繞著我 到永遠
祂以恩典圍繞我 愛到底
有祢愛我 (曲詞: 伍偉基)
祢是愛 祢對我的愛從沒改
沒有因歲月改變 沒有因我罪生厭
我呼喊祢名字 祢笑臉向著我 祢一次又一次祢是愛 祢對我的愛從沒改
就算今我又失信 但祢的信實不變
我呼喊祢名字 祢笑臉向著我 祢一次又一次有祢愛我 讓我知道我是存在
有祢愛我 讓我知道我重要
有祢愛我 讓我知道我是人
被珍惜的一個 讓我知道祢是愛
P.S. 今日係一個神蹟, 除左主耶穌既愛再一次激勵我之外, 小慈小明兩個竟然輪流訓覺, 令我同老公都可以專心敬拜, 聽道, 咁嘈既環境佢地都可以訓得著, 真係一個神蹟黎架!! 俾 d 掌聲主耶穌!!
入得去亞洲博覽館, 冇理由唔去一轉迪士尼, 雖然今日天色麻麻地仲有幾陣雨, 但小慈小明咁乖就獎勵下佢地啦!
Frankie 叔叔一個月前已經約定大家燒野食, 真係約都冇咁岩, 預都冇咁準, 今日絕對係非常適合 BBQ 既一日!! 天氣 17-23 度, 有太陽吹微風, 舒服到不得了!! 我地今日去左大尾篤再入少少既新娘潭, 邪邪地, 好多交通意外因為條路飛車一流, 絕對要打醒十二分精神! 不過呢度真係好舒服!! BBQ 既地方見到個潭, 仲有個小沙灘, 夫復何求?!
今日真係好開心, 好盡慶! 小慈小明非常鍾意大自然, 多謝 and 辛苦晒 Frankie 叔叔好介紹 :)
每年春分就係我既生日喇!! 近呢兩個月應該係我工作生涯中最辛苦既日子, 日日 OT 都算, 最唔開心係面對人性醜惡, 做到心灰意冷...... 於是, 排除萬難爭取一日假俾自己休息!!
一早送兩隻豬仔返學! 自從老公改左返工時間, 我要搭巴士返工早左出門口, 送返學既責任就交左俾工人姐姐, 趁今日放假就由我送佢地返學啦~ 小慈小明開心到不得了 ^^
看似簡單既生日, 行街睇戲食飯, 但有老公陪住又有仔女仲有老細錫我, 我真係好開心, 好滿足!!!
Happy Birthday to ME ^^
