嫲嫲生日快樂

今日係嫲嫲生日!!  小慈一知道嫲嫲生日已經好興奮, 計劃好晒一見到嫲嫲就要同佢講生日快樂, 又話要唱生日歌, 仲要錫嫲嫲一啖添!  超級乖孫~~  生日切生日蛋糕, 嫲嫲好開心呢!

兩表姐弟一齊玩

一齊食

弟弟今日都有好表現, 我地開餐佢就瞓覺, 食飽晒佢先起身玩, 係人撩佢都笑, 手指指仲識電人!  嫲嫲同爺爺成晚望住佢笑瞇瞇, 錫到出晒面呀~~

祝嫲嫲身體健康, 心想事成, 日日開心!

弟弟 13 個月

弟弟已經 13 個月大, 可惜仲病緊 @.@  有痰啦, 有鼻水啦, 間唔中發高燒啦, 連續 3 晚唔肯飲最夜個支奶, 餓住個肚咁瞓天光..... 足足病左 1 個月有多, 究竟幾時先好番?

不過弟弟心情就幾好, 仲開始識性, 同小慈爭玩具搶輸左會好惡咁大叫, 拍枱, 仲會掉野, 一拍兩散咁款!!!  見佢咁既態度梗係鬧佢曳曳啦, 一聽到曳曳知人鬧佢, 仲識即刻喊添  \ _ /  不過我地既一貫作風係大喊冇人理既, 連弟弟都唔例外, 所以當佢大喊冇人理, 喊一陣佢就會自動收聲, 仲當冇事發生咁扮晒野爬番去我地度....

13 個月既佢仲係維持行 3 步既階段,  計過度過知你距離超過 3 步就一定會用爬, 真係精甩尾, 近來積極教佢既野已經漸見成果, 就係:  

打關斗 - 同弟弟講打關斗佢就會識雙手按地 dup 低頭預備俾我同佢打關斗

開手合手 - 同佢唱開手合手係會跟住你郁手, 仲會拍手添

騎小馬 - 上落都好穩陣, 坐左上去自動自覺會向前向後移動

開櫃門 - 經常推開電視櫃門取 VCD 開 DVD 機玩遙控, 見到飾物櫃入面既 duckie 仲已經自己識開門, 有時仲會偷入廚房拉開就手既櫃門將所有罐頭掃出黎

掉垃圾 - 見過我地掉垃圾落垃圾桶之後就將放係地下既門塞呀, 叉電器呀通通掉晒, 見到個垃圾桶含住條電線就知佢今日又學掉垃圾 @.@

熄燈 - 抱住弟弟叫佢幫手開燈熄燈係次次都禁中

Twinkle Twinkle Little Star - 聽到呢首歌就會手仔開下合下扮 twinkle

This Little Pig - 聽到呢首歌係會將隻手放去腳趾度, 因為呢首係腳趾仔歌, 基本上弟弟開始表現出佢既音樂感, 聽到我唱歌係會 fing pat, 扭手, 郁身郁勢, 笑晒咁真係好可愛, 如果我唱到口水乾停左, 弟弟會即刻用手指住我大叫一聲, 示意我繼續唱添呀~~ 笑死 ^^

用飲管 - 弟弟 6 ,7 個月時開始唔肯飲水,  我地用左好多方法氹佢, 其中包括教佢用學習杯, 話就話係 5 個月大可以開始用, 但弟弟都唔係好識, 我地照俾佢玩玩下咁用, 到左 9 個月個月大開始教佢用飲管, 第 1 次用, 失敗, 弟弟將條飲管當牙膠咁咬, 好奇怪, 小慈當年都係 8 個月開始用飲管, 我仲記得我係用飲管俾佢啜可樂, 一飲就識, 教都唔駛教, 點知弟弟唔得, 咁過幾日又試下點知一教就教左 4 個月弟弟都係未識用 @.@  

真係咩方法都試過: 

用細既紙包維他奶吱出黎俾佢引佢啜啦 / 抽起支飲管俾小小佢飲啦 / 壓實支飲管要佢自己用力啜先吸到啦 / 嘟起佢個嘴教佢吸啦 / 夾實佢既上下唇教佢合埋口吸..... 全部 fail  V__V  每次都係弟弟 lam 到少少就停左, 狂咬支飲管, 一係吱得太多俾佢唔識吞全部流番晒出黎!  唉~  我都唔識點教佢勒, 唯有等.... 終於, 今日我抱住弟弟坐大脾飲綠茶, 為食弟弟見我飲佢又想飲, 好啦, 又俾佢試下啦, 依依依~~~ 佢識嘟起個嘴咕咕咕咁吞喎!  我拉番支飲管出黎又冇流到濕晒, 真係 ok 喎!!!  即刻換番個弟弟私家飲水杯俾佢試下, 真係識呀~~~ 終於都識勒~~~ 好感動!!

小慈 3 歲半第 1 次溜冰

每個星期去 Mega Box 上堂必定經過溜冰場, 小慈都會問我 d 哥哥姐姐係度做緊咩?  又問我幾時可以帶佢去溜冰?  小慈講左好多次但我之所以有保留, 完全係因為媽媽我十幾廿年冇溜過冰,  咁岩有朋友同個仔溜冰整親條腰做左十幾次物理治療, 我真係有 d 驚驚!  不過逃避都唔係辦法, 又唔可以扼殺小慈既興趣, 趁今日公眾假期就去玩下啦~

爸爸自從 Form 5 之後都冇玩過溜冰, 不過一著左對鞋又咩記憶都返晒黎喎~~

小慈非常鍾意呢隻企鵝仔, 有左佢就可以自己玩, 唔駛我地扶住喇~~

你睇小慈開心滿足既笑容

歷史時刻一家人影張相先!

小慈張張相笑到咪晒眼真係好得意!

記錄在案, 3 年零 8 個月既小慈著 26 號鞋, 的的式式, 好 cute 呀~~~ 

玩左 1 個半鐘頭完全唔駛休息, 廁所都唔記得去, 唔趕小慈都唔肯走, 真係估唔到佢鍾意得咁緊要呀!

聖誕@聖誕星級貓狗 Show 一番

聖誕快樂~~~  今日有特備節目, 一家四口去左黃埔新天地睇明星, 來自俄羅斯既貓明星狗名明第 1 次黎香港, 我地梗係要探下佢地啦!  一班狗仔係度扮獅子真係好攪笑, 全場起哄!

貓仔咁難訓練都可以咁聽話行鋼線, 又可以同狗仔同台演出, 真係好勁

小慈睇到好投入

好在爸爸夠高, 騎埋膊馬就一定睇到

扮聖誕老人應節先

紅卜卜夠晒聖誕氣氛

Merry Christmas!!

平安夜去街街

機緣巧合, 俾我發現沙田某大型商場入面有免費木偶表演, 放半日即刻飛奔返屋企帶 2 隻 B 出動先!!  呢 3 個捷克男人 d 英文好難聽, 不過佢地好 nice!

呢個捷克木偶劇團首次帶同布拉格著名傳統樂器黎香港表演  

劇名叫 "The Magic Glasses", 故事內容話有個瞎子被天使賜予勇氣開番對眼, 原本副盲鏡就變左 Magic Glasses, 唔知咩原因魔鬼走去搶副盲鏡攪到天使同魔鬼打起上黎, 最後出動聖誕老人調停, 一人派粒糖就大團圓結局

小慈明 d 唔明 d, 佢以為既木偶劇係好似 Sound of Music 入面咁有人唱歌, 不過佢都好留心, 弟弟就扭眼訓, 又唔肯坐咁耐要中途離席 @.@

捷克既手製提線木偶好特別

小慈今日好開心

好耐冇帶過小慈小明上黎呢個空中花園玩, 對上一次都已經係 1 年前弟弟滿月, 今日天晴溫暖, 最適宜戶外活動

係呢度不斷咁走下爬下 FING 下玩下水已經好開心

你睇呢個肥仔幾自在

兩姐弟都好 high

十指緊扣既兩姐弟

弟弟 12個半月

小慈 11 個月

弟弟 12個半月

小慈 11 個月

小慈 3 歲半

1 年前既小慈

夠皮要返屋企之際, 竟然俾我路過發現有咁大個 Snoopy 展覽館!!  超級開心, 即刻捐 $20 入場影餐飽!  呢隻鑽石 Snoopy 重 207 卡, 申請緊創造世上最昂貴既鑽石 Snoopy 健力士紀錄大全

我既兩個小寶貝仲寶貴 ^^

咩都摸既弟弟

要佢地一齊望鏡頭係非常高難度的

弟弟擺晒 pose, 笑死我喇~~

思考人生...?

好玩好玩! 

聖誕 Cat Walk

小慈學校今日有聖誕節慶祝會, 主題係 "聖誕扮相大匯演", 小朋友們可以扮天使 / 聖誕鹿 / 聖誕老人 / 雪人!  穩陣既我梗係選擇扮聖誕老人啦!  最容易扮得似, 不過冇時間搵白鬍鬚同埋加個大肚腩俾小慈, 今日就扮 cute cute 小聖誕老人啦!  

一返學俾老師見到小慈呢一身既裝扮已經問: 

"聖誕老人有冇禮物派架?"

有有有!!  好在早有準備!!  整左成袋糖俾小慈帶返學校派, 小慈好開心, 好豪氣咁話要派糖俾 K1 既同學仔, K2 同埋 K3 既哥哥姐姐, 仲有 N1 班既 BB 添!

行 cat walk 小慈話係張枱上面行, 仲要同其他小朋友 say hello 喎!  K1 cat walk 行 1 次, K2 K3 既哥哥姐姐就可以行 2 次, 行 cat walk 唔駛驚架, 唔會跌咁話!

學校仲整左好多非常有節日氣氛既手工

我同佢仲做左個親子聖誕花環, 初初收到通告要做聖誕吊飾我都好苦惱, 仲要有特定主題 -- N1 做聖誕樹 K1 做聖誕花環 K2 做聖誕襪 K3 做雪人..... 笨笨的我初時睇錯通告整左聖誕樹, 後尾及時修正加多個環俾佢就造左呢個聖誕花環勒!  DA LA~~~~ 係咪有 d 漁護處 logo 既感覺呢?  幾環保先得架 :DDD

中間 D 波波小慈自己貼, 絨毛圈佢都有幫手繞, 真係親子勞作黎架!

非常有節目氣氛, 最鍾意就係聖誕節 ^^

靚 B 聖誕大派對 2009

又到聖誕~~ 又到聖誕~~  點少得開 party 呢?!  今年又去番我地既鐵竇搴搴屋企 BBQ!!  由細玩到大, 小朋友們已經唔再係痴媽 b 識得同朋友仔玩, 我地終於可以輕輕鬆鬆燒野食喇~~~ (有細 b 既家長當然除外)

小朋友們都有燒綿花糖

搴搴屋企幾時都係一個超級好玩既地方, 小朋友們真係百去不厭

呢部識得自己行既車車天橋好好玩

有運輸帶升 D 車上去, 車車就會沿住公路駛過

Bernard, 好耐冇見!  你大隻左頭髮都剪左幾次, 仲已經識行, 勁呀!

地方大, 冇野扶, 弟弟今日行左 3 步!!!

仲有聖誕禮物派 ^^

7 種口味小慈最愛薑餅人, 真係整得好可愛