我有好多好多好朋友, 大家知道我要走都好錯愕, 好唔捨得, 紛紛請我食 farewell 飯傾下偈見最後一面! 我真係受寵若驚, 一一答允出席! 感謝天父讓我在禁堂食前與各位好朋友 farewell, 食足咁多餐, 於是, 我係肥番既 @.@ 不過呢隻叫幸福肥, 多謝晒!!!!
首先係 Josephine, 我其實同佢共事只係幾個月, 但係友誼 keep 到有廿幾年! 人與人之間既緣份真係好巧妙! Josephine 為左我, 去一間香港木廠用打風落雨而倒塌/被棄置既台灣相思木自製一個飾物盒送俾我, 希望我記住呢份友誼, 記住香港! 我真係超級超級感動~
多謝你呀, 老友! 快 D 過黎住我附近! 等你 ^8^
我既不同部門同事們, 極之客氣, 請完一餐又一餐, 話要見多我幾面 ^^
去西貢六福菜館, 我超鍾意食椒鹽豆腐!! 咁多年都保持水準 :)
Wilmond 仲俾左封上機利是我, 好攪笑!!
多謝!
好姐妹 Maggie, 我地係 Yoga D friend 黎架!
客氣既 Joey Raymond farewell 晒我全家!
我既繼承者你要俾心機呀!
估你都估唔到, 呢班係我既小學同學 XDDDD 秋秋同我 confirm 左好多次, 真係小學同學? 有聯絡既咩? 係呀! 我中學讀女校架麻, 有男同學時期得小學階段囉! 十年間只係見過兩次, 其餘時間用 WhatsApp keep 住, ok 架! 佢地講野超級好笑架 ^^
大忙人 Sharon! 佢係一個好有恩賜, 好有能力既女人, 我非常欣賞佢! 最鍾意 Sharon 個 hashtag #must念
多謝你帶我去皮皮餐廳又送禮物俾小慈小明
係 Hit 爆既魷魚遊戲, 多謝晒!
美芝 & 我既契女琳琳
每次見到佢地年齡相差一截都可以一齊玩我就好感動欣慰, 琳琳已經貴為大學生都一如最初, 難得!
飯後甜品係小慈最喜歡既刨冰
甜入心
死黨 Wendy! 呢位姊妹潛左好耐水原來因為投入教會生活分身不暇, 幾經艱難先見到佢一面
最後一餐當然要食盡佢! 我地約 Brenda 去一間靚景餐廳食好東西
我既死黨!!
Brenda 姨姨好欣慰小明已經咁大個
小慈仲已經高過佢添
小慈小明好耐冇睇過維港夜景, 靚到痴線呀!!
日落
華燈初上
香港新地標 M+
七彩既維港真係靚到形容唔到
HYS 分佈圖
True friend never apart maybe in distance but never in heart!! Keep in touch my Dear Friends!!
沒有留言:
張貼留言