同學仔 Super Park 生日會

幼稚園出席過同學仔既生日會之後, 今次係小明第二次參加小學同學既生日會!  如果唔係因為山竹, 呢個生日會 9 月16 日已經舉行左, 不過有心唔怕遲, 一班死黨好朋友 (全部都係男同學) 一齊玩喇喂!

壽星仔柏橋, 生日快樂!!!!

原來小明家姐都好有地位, 可以被邀請出席 :D

同上次年初四既經驗好唔同, 今日個 park 唔係太多人, 我地即刻玩晒上次要排大隊既遊戲先!  呢張相影到小慈好迷幻

就算唔多人排呢架車仔都要 20 分鐘, 我都唔執輸玩埋一份當做運動先

射得太快, 3 個波卡住左, 笑死!

呢個水泡唔駛排隊就有得玩, 爽爆

今次衛生好多, 戴頭盔之前請先戴浴帽, 個樣好好笑

佢兩個真係好好朋友, 咁樣玩都唔嬲 :DDDDD

弟弟都好受同學歡迎, 經常聽到班同學大聲搵佢, 終於俾人捉住

最好玩都係捉依因

整跌左天花板盒野落地, 你睇佢地表情幾驚

Party Time!!!  請左 10 個家庭總共 30 人一齊同柏橋慶祝生日!

希望你地 10 位男孩子友誼永固 ^^

爭取時間打機

聽日要返學, 我地玩到 7:00 pm 就走, 同埋卓謙一齊食飯先返屋企

好味!!

勁開心的一天!  多謝柏橋爸爸媽媽, 柏橋 10 歲生日大快樂!!!

2018 主日學結業禮

主日學校長頌恩姨姨話: 一年容易又中秋, 中秋完就係主日學結禮既時間喇!

每逢合班, 小慈最鍾意我地坐佢後面  :)  如果冇指定座位, 我地最鍾意坐禮堂前幾行, 聽得清楚 D 又可以睇真 D 麻~

超開心!  我同秋秋可以榮獲「信徒神學證書」!!  呢張證書一 D 都唔簡單, 由 2015 年 10 月開始, 每一季修讀 舊約兩科 、新約兩科、神學兩科、信徒生活兩科、自選兩科, 共 10 科課程, 每科出席率要達 8 成或以上!  我地係教會第一 pair 兩年半內取得此證書既弟兄姐妹, 到證書在手, 歷時總共 3 年真係唔簡單!!

8 成出席率係好難架!  每季只可以請假 2 次架咋!  我記得我病左一次, 去旅行請左假一次, 其他返齊架 ^^

所以亦都有勤到獎 ^^

小慈替我地開心, 幫我地影左好多相 :)

弟弟都有獎呢!

成績進步獎 兼 勤到獎!  叻仔!

小慈初三班都有獎

最熟悉聖經故事獎 郭恩慈 ^^

非常多謝進殷哥哥教左小慈咁多年!  小學初三班結業, 要升班去青年級跟婷婷姐姐 (仲更加開心興奮!)   崇拜由小學級亦都要升上青年級在停車場聚會, Form 1 仔有好多轉變呢!

返教會返主日學每次都長知識有領受, 仲年年全家都有獎攞, 點可以唔返先 :DDD

中秋節一定要搭地鐵

終於, 連姑媽架私家車都劏埋, 大家都冇車用, 於是以後食飯就一次去你屋企, 一次去我屋企咁, 今日中秋節輪到我地去姑媽屋企做節了!

等爸爸收工再等巴士出九龍, 係飛站既..... 可憐既慈明秋等到發毛都冇巴士, 我 OT 完再出去都快過佢地 @.@  所以, 在大時大節人人都放早的日子, 一定要搭地鐵啦!

用左 2 個鐘, 終於到姑媽屋企開餐了~~

食飽飯成家人各自坐係度打機實在冇前途.....

落街玩吧啦!  雖然冇得放火, 玩下搖控機都開心 ^^

可惜連搖控機都唔可以係屋苑玩, 食蕉 9 秒 9 出黎制止..... 真係除左攞住個燈籠行街同玩極度唔環保既螢光棒之外, 真係再冇中秋節氣氛.....  我地轉移去公園

四野無人, 起飛~~~

呢個公園我地未黎過, 好多好多小朋友, 三唔識七都可以約埋一齊玩捉依因, 跑到成身汗

玩到都唔知邊個捉邊個, 笑死

返到屋企都已經差不多 11:00 pm, 小明竟然念念不忘中秋要點蠟燭, 依, 冇落雨喇喎, 好啦, 上天台玩啦

小慈當然要玩埋一份啦

小慈小明都係好斯文逐支點黎玩, 我細個狼死好多 :P

月亮姐姐終於都出黎趁熱鬧, 心滿意足 ^^

荃灣象山村既一班街坊, 每逢中秋節都會自發一齊掛燈籠, 好靚啊~

大家中秋節快樂!

摩星嶺

今次團契好有意思, 趁秋高氣爽, 我地去景致宜人的摩星嶺 Outing!

秋老虎好厲害, 今日有 31 度!  登記時入去涼冷氣的小朋友

嘩~~  真係景觀一流呀!  今日仲藍天白雲, 好正呀!!!

可以租住既青年旅舍

炮台遺跡

幾靚!  我地今日既 dress code 係白色, 襯晒 ^^

人少少都影張大合照

陽光耀眼

做足準備既小慈

影完相即刻呢番入去有冷氣既活動室 :DDD

團契準備開始

我地今日入黎靜修, 大家搵個靜靜地既地方寫信俾天父爸爸傾心吐意

寫完信既弟兄姐妹好自然就會走埋一齊傾下偈

一班小朋友就連線打機

咁靚咁舒服既環境梗係要影多 D 靚相啦!

聽~~ 海哭的聲音~~

呢班弟兄手指指

整個型仔樣睇下

好姐妹~

太陽準備落山了

趁未天黑我地去探險!  呢條斜路唔講得笑.....

好大個收發站

喂喂喂!  呢幾位男士做咩野???!!!

打仗時用既堡壘

快 D 呢埋呀

四通八達

你見我唔到!  你見我唔到!

打風後斷樹欄路

兜左一輪終於搵到炮台了

依.....?  個炮台呢?

唔理咁多, 到此一遊左

型爆呀我地!  正!

我地呢班人

 變身!!!  :DDDDD

行完喇!  平安歸來

行完山特別肚餓, BBQ 預備開餐, 摩星嶺既燒烤餐真係好抵, 計人頭 $30 位, 所有既肉都好好食!!!

努力透爐既團友仔

高科技電風扇透爐

透好兩個爐, 開叉喇~~~

今日好熱, 但我地好 high!

發現大大大螳螂!!!

餵佢食 BBQ 肉竟然真係食呀!!!

燒緊比翼雙蝦既傻佬!!

夜晚既摩星嶺真係好靚, 唔講唔覺, 今晚原來係迎月夜, 周圍掛晒燈泡燈籠, 非常有氣氛 ^^

Moon 呀~~~

好唔捨得走, 弟弟問點解唔係度瞓一晚?  點解?  因為聽日要返學啦!