今日係學校開放日, 作為跳舞班既一份子, 小慈需要負責兩場親子舞蹈表演, 仲要悉心打扮著紅色衫配合聖誕主題, 我地幫小慈加左對翼 ^^
第一場舞蹈表演立即開始, 同許樂瑤一齊跳 Jingle Bell
除左聖誕親子舞蹈, 學校仲預備左好多遊戲俾小朋友玩
全語文攤位遊戲
答岩晒問題就可以換獎品 -- 大小鱷魚
親子美藝活動 -- 畫大花面
小慈要求畫一個心
小明唔識要求, 但佢又要我畫喎! 於是......
嘩哈哈哈哈
小明都好滿意自己既造型, 不停照鏡
小明今日以為我地逼佢返學, 係學校門口已經大喊唔想入去! 我氹左佢好耐保證左好多次媽媽抱住 / 媽媽唔返工 / 媽媽同弟弟一齊.... 都係咁喊係咁喊....
岩岩收左聲, 有老師埋黎同佢打招呼講早晨佢又喊過 @.@ 足足喊左半個鐘有多先肯定我地唔會走, 終於意識到返學校係玩先至破涕為笑.... 唉.... 連老師都撩左小明第 4 次先唔喊呢
小明唔喊既時候有好多哥哥姐姐埋黎撩佢玩, 小慈同學仔吳紀乎係其中一個, 個個都睇住小明 B 大
小慈同好錫佢既陳老師合照, 讚佢個心心靚靚~
又去玩, 小慈教緊小明印畫
唔錯既作品
第二場聖誕親子舞蹈準備開始! 旁邊係小慈既同學仔曹康穎
小明開心番肯同小慈家姐一齊跳舞
難得可以自出自入學校, 我進行地毯式搜索搵晒所有小慈小明既野!! 門口就見到小慈既 "冬天的雪人" 掛係當眼處
紙碟人
創意風箏
外套
小明返左兩個星期學都有展品, 老師真係勁呀!
乒乓球畫
小明都認得自己幅畫
每人帶一張家庭相返學校俾小朋友增加歸屬感, 連老師話呢張相有安撫作用, 每次小明係學校喊, 老師就帶佢去張相前面搵媽媽, 好奇怪但 work 喎 :)
小明既 N1 同學仔
做幼稚園真係好辛苦, 尋日小朋友都仲要返半日學, 一個下晝成間學校就變晒樣佈置得美輪美奐!! 真係要俾十個叻老師!!
主耶穌 BB 原來係一個黑人?!?!
小慈扮三博士
小明差 D 唔夠高
至愛馬仔
抽獎時間, 小慈非常幸運地抽到大獎!! 小明就抽到中獎
大獎係模型車, 中獎係變髮器, 兩姐弟怕且會交換玩
滿載而歸!!
沒有留言:
張貼留言