改名

小明係一個好為食既小朋友!!  岩岩食完飯都未吞就話要食餅食紫菜食朱古力, 但又唔見佢肥喎!? 

上次 Studio 相大家都話佢瘦晒, 可能運動量太多, 成日跑跑跳跳都好難肥 @.@  全身仲要冇忽好肉, 唔係呢度整損就係個度撞瘀, 唔到沖涼都唔知佢受左傷!!  佢忍痛能力超高, 就算 "劈拍" 一聲趴落地下都好少喊架!!

有次好好笑, 明明見到弟弟踎低想執野, BOOM 一聲就見到佢個頭撞左落地郁都唔郁!!  埋去問佢有冇事?  佢會識答我: 

"弟弟暈左!"

今晚為食又要攞餅, 要小明先學識分享, 於是弟弟非常闊佬咁派晒俾全家人, 我話仲有爸爸呢?  弟弟竟然大叫 : 

"郭恩秋~~~~~~" 

就衝左入房搵爸爸!!  真係笑瓜我呀!!  佢自己叫郭恩明, 小慈叫郭恩慈, 佢就理所當然地叫爸爸做 "郭恩秋" 名都幫爸爸改埋, 真係笑瓜我喇~~~~

唔知弟弟會幫我改咩名呢 ?  可能都係郭恩媽  XDDDDD

見佢嗌餓就攞塊 pop corn 出黎同佢地玩, 全日文, 睇晒 d 漢字大概都估到點整, 為求熱力平均我用埋隔熱墊

小明等得好心急

開始脹就撕走銀色貼紙, 聽到 d 爆谷 pop pop 聲真係唔係浪得虛名!

食得喇~~  原來 d 爆谷係咸架, 我最鍾意咸爆谷!  

極速被小慈小明掃清!!