小明返學喇

無錯!  熱切期待, 等左好耐, 小明終於都正式返學喇~~~

好緊張個個係我!!  好似咩都未準備好就要小明面對咁重大既轉變 @.@  當年小慈上足晒 play group 習慣晒幼稚園模式先返學, 弟弟就好似矇下矇下, 除左講野叻 d 之外咩都唔識咁..... 唯有頂硬上啦!!  今朝小明預備返學都好合作, 當年我地有錄影小慈換衫準備返學既情形, 今日小明都唔例外, 將來俾番佢自己睇 (件校服 oversize 好好笑  :DDD)

小明返學, 最開心個個係小慈!!  講左好耐弟弟 2 歲生日就返學, 小慈就係弟弟生日翌日已經問我係唔係帶弟弟返學?!  知道 12 月 1 日星期三先正式返學就日日數日子, 興奮到不得了終於俾佢恨到!!

得意兩姐弟

小明非常鍾意自己張史迪仔套學生證

唔駛驚, 媽媽陪住你

人生重要時刻唔少得全家幅, 但小明叫極都唔肯望鏡頭 @.@

弟弟好靚仔啊~  雞蛋殼一樣既皮膚~

兩個既髮質同髮色都似我, 太好了!

基本上日日接小慈家姐放學弟弟對學校已經唔陌生, 但正式著校服返學就係第一次, 希望熱愛自由既小明守規矩啦

綿羊組郭恩明既書包櫃

分組表

11 月之星有兩位

好名好名!

同學仔已經學緊去廁所, 全班唔計小明得兩個仲著片但肯坐廁所, 老師好厲害!!

生果名稱, 除左提子菠蘿, 其他生果小明都識但會答你英文

適應班我可以陪小明 2 日, 每日返 1 小時, 第 3 日返 1.5 小時仲靠自己!  

小明今日表現過份興奮, 第一次入 N1 班房咩都好新鮮想攪想摸, 其他小朋友極度安靜坐靚靚食早餐, 小明就 pat pat 有釘咁 30 秒都坐唔到 @.@  唯一肯望班主任連老師就係聽到音樂聲, 連老師唱左 4 首歌:  Hello Hello 你好嗎 / 熊人熊人快樂笑 / 洗白白 / 我是個茶壺, 小明非常開心, 又唱又跳有跟住做動作, 不過音樂一停又走左去自己玩  

連老師讚小明講野好清楚, 不過已經肯定佢自己返學一定喊, 因為要佢守規矩 @.@  我都知架喇.... 肯定要派專人淨係 mark 小明一個, 其他小朋友真係超乖, 我未入過一個 N1 班房一粒聲都冇個個坐定定等老師架!!  自己食早餐又快又乾淨, 食完又識拍櫈自己出去放杯碟羅紙巾抹嘴!! 

真係嚇死我!!  小明你要急起直追, 仲要唔好做壞規矩攪亂檔 @.@