上星期四五小明發燒冇返學, 都知道星期一又要從頭再適應過, 果然返到學校見到老師開門就即刻喊 @.@ 好在我地都早有準備, 叫工人姐姐陪住照顧小明到 9:00 am 正式上堂先離開
呢幾日又 ok 喎, 連老師都讚小明喊既次數少左, 喊既時間又短左, 叻仔! 分手喊就必然架啦, 老師都開始捉到路知佢心意, 俾 d 玩具佢 / 引下佢做第二樣野 / 指下天指下地望下窗, 分散佢注意力, 弟弟就會八卦唔記得左喊, 轉頭冇晒事!!
氹下佢引佢講野, 佢又搭嘴喎, 表達力都唔錯! 好似老師話出面落雨, 小明答:
"出面好大雨呀真係! 要攞傘 (唔係) 會濕晒囉! Umbrella yellow and blue 好靚呀!"
口水多多好似識好多野咁 ^^
其實每次喊既時間除左 bye bye 媽媽就係轉組, 冇得玩佢玩緊既野就喊, 老師解釋原因後佢會明白, 會合作安靜, 有聽有講, 睇得出佢開始適應, 知道課室規則上堂程序, 所以老師話小明易氹左 :)
見佢 ok 就加鐘俾佢係學校食埋飯先走, 今日午餐係:
南北杏雪耳蜜棗豬展湯, 鹵老雞翼及雞蛋 + 紹菜炒牛肉 + 白飯
連老師話小明揀野食, 見到隻蛋好開心話自己食蛋蛋仲肯自己不, 點知食完隻蛋就想鬆人, 老師梗係唔放過佢餵佢食飯, 點知一餵飯就變櫻桃小嘴又含住唔吞 @.@ 湯就自己飲晒, 仲同老師講
"好味呀湯湯! 湯湯真係好好味呀!"
老師見佢岩岩係學校食飯就唔監佢, 不過都建議我地係屋企頭 10 分鐘俾佢自己不飯, 之後先餵, 訓練佢自己進食, 學校盡量都唔會餵飯, 最多幫佢不 or 扶下佢隻手提佢自己食
又係個句啦, 家校合作馬到功成! 一天一天進步, 不過放完聖誕假肯定又咩都俾番晒老師! Anyway, 放完假再算!
好多年都冇試過冚住兩張被瞓瞓下凍醒 @.@ 真係唔係講笑, 我屋企 5.8 度 !!!!
小慈小明今日最後一日返學校開生日會暨聖誕慶祝會, 實在冇辦法, 唯有著多件衫!
各位觀眾~~~~ 兩隻糭!!!
差 D 手臂太脹揹唔到書包
沒有留言:
張貼留言