弟弟的進度

10 個月既弟弟真係好鍾意企, 近期仲俾佢發現一個站崗熱點 -- 小慈書檯

弟弟又真係好聰明, 將自己攝係檯與凳之間真係好穩陣, 完全唔駛借用手指既力扶住自己之餘, 呢個位睇電視仲冇人阻到佢可以睇到入晒迷添呀!  

得閒望下窗睇下風景, 呢個真係一流既站崗位

小慈有時都投訴弟弟霸左佢個位, 我話張檯弟弟都可以用, 小慈又冇咩野, 仲會同弟弟講 "我地一齊坐啦!" 咁就同弟弟逼埋一齊, 真係俾佢笑死!

明明鍾意食雪梨, 但弟弟又會食到樣樣衰衰, 同小慈一模一樣!!

呢幾日無論俾 d 咩佢, 弟弟都會駛出佢隻 "一陽指" 篤下, 攪笑非常

呢隻衰豬 B 真係好得意!