麥當當早餐

每個星期日朝早約 10:00 am 小慈都會叫肚餓, 應該係習慣左學校呢個時間食早點!  小慈問得好攪笑, 佢係同我講: "我食咩野呀?" 

有時我會整野俾佢食, 有時我會問佢想食咩?  不過問得佢想食咩, 9 成 9 都會答我食麥當當!  早晨全餐係小慈既至愛, 佢最鍾意搽麵包, 食薯餅, 飲橙汁

弟弟見小慈家姐開餐, 為食既佢又痴埋去, 真係小慈去到邊跟到邊架!

一手羅左小慈家姐半個麵包, 開心得佢丫

食到瞇晒眼, 好抵死!

弟弟個 2 隻牙仔真係俾佢 '妹' 到 1/3 個包 :)