為慶祝國慶 60 周年加提早慶祝中秋節玩燈籠, 我地今晚殺上柏弦屋企, 柏弦媽媽熱情招待整左一個好靚既焦糖香蕉芝士蛋糕, 仲預備左大量不同特色既月餅, 更加親自下廚煮海鮮餐俾我地食! 未開餐前先到會所打保齡球, 呢張相大家都好識擺 pose ^^
小慈好開心碌波波, 不過碌左 4 球就去玩滑梯
小 B 們好多野都未岩玩, 留守係嬰兒區
海鮮大會好豐富呀! 我最鍾意食蒜茸蝦
食飽飽就落公園玩燈籠, 5 個小朋友都好興奮
心心姐姐今晚真係好乖, 成晚陪住呢班小朋友玩, 又講故事俾佢地聽, 又整鬼臉氹佢地笑, 係公園仲教小朋友們玩捉依因, 狐狸先生幾多點等......., 我第一次變左隱形人!! 平時去公園小慈去邊都會拉住我, 今晚一班小朋友玩左 4 個幾鐘玩到熟晒, 終於識得一齊玩, 我睇住佢地幾個你追我逐, 忘形地大叫對方個名, 笑聲震天~~!!
幾個由細玩到大既小朋友, 一齊笑, 一齊跳, 開始有自己既世界, 我唔知點解好感動!
沒有留言:
張貼留言