踩單車

終於都考完試喇!!!  相信小慈小明間學校都算係最遲考完既一間, 由 11/6 考到 28/6, 仲要 28/6 黑雨冇得返學, 幾醃悶呀!  就算多一日溫書都完全冇心機只係想快快考完...

試後活動第一擊 -- 踩單車!  本來都冇咁既打算, 全因弟弟約左班同學星期日由沙田踩去大尾篤, 阿媽我真係好唔放心, 冇踩單車已經一年有多, 仲係幾個男仔去玩冇大人 @.@  我當然唔會掃慶唔俾佢去, 但又點樣令自己放心好呢?  於是我出絕招趁今日公眾假期天氣又唔錯, 我地預先踩一次, recall 下 D 記憶, 俾弟弟又認下路, 加上小慈又想踩,  好!  起行!!

食埋個 brunch 有氣有力先出發, 今日租單車踩到 7:00 pm, 3 架車盛惠 $200

做運動可以唔戴口罩, 太好了!  差 D 窒息

仲諗住今日天陰冇搽防曬, 點知出大太陽 @.@  好後悔冇戴手袖

好多小白露跟住水警船, 好得意呀!

好舒服呀今日!  唔算多人又有風, 不過一停低就超級熱, 冇停過出汗

原來呢架車叫 "爆裂 . 菊花車"..... 手臂撐住又好攰, 下次都係要租番 D 少女車先得

踩到去科學園已經飲晒 3 支冰水, 要幫襯小食亭 $20 支  V____V

小明好乖全程戴住頭盔, 大個仔體力都好左令媽媽放心

真係實在太熱, 踩到去大埔海濱公園要整番支雪條降溫

小慈無端端頭暈出晒冷汗嚇死我!  好在坐一陣食支雪條面色好左少少...... 好虛呀女你!

弟弟話要保留實力唔想踩到咁攰, 於是我地回程去番孖橋

星期日就係約左同學係呢度出發了

回程好快, 今日踩左 3 個鐘夠晒皮

同同學一齊特別開心!

由 12:00 nn 一直到 6:30 pm 先收到阿仔話返緊屋企既消息

有 D 同學太勁, 話踩慢左就弟弟都係踩得好快, 小明又心急追上攪到體力透支, 於是有唔舒服要 call 救援隊 @.@  

返屋企我見到一隻全身濕晒雙臂燒燶既仔, 娓娓道來叫救援隊既經歷, 又話踩左一架轉唔到波既車好辛苦捱上山, 真係聽到阿媽我心驚膽戰..... 不過我相信 Young Man 會變成真正的 Man 啦!

感謝天父賜你平安!!