好耐好耐都冇同爺爺飲茶, 疫情下少出街, 出街都唔敢逗留咁耐, 難得今日有咁既機會, 呢間酒樓限時 90 分鐘, 大家唔駛坐咁耐減低風險, 岩晒 ^^
點心即叫即蒸, 正呀!
看圖識字, 而家大部份酒家都用手機落單, 我開始老花, 寫紙仔同用手機落單都辛苦, 最理想就係有點心車係你前面經過, 睇到實物先嗌就最爽!
弟弟表示爸爸整既擦子膠係好食過酒樓整既
呢個流心奶黃包好得意呀! 小慈話要配合佢
4 人限聚下我地 5 個人要開兩枱, 各自叫自己既點心攪到成枱都係, 何其壯觀~
飽到行唔郁
行街街我地去相熟既朋友公司配眼鏡, 呢位年輕人近視又深左啦!! 由 450 度一跳就跳去右眼 500, 左眼 625 @.@ 嚇死人!! 唔怪得手機越拉越埋, 戴住眼鏡都話睇唔到!!!
我地都好大穫呀, 小慈都由 100 度變 150 度, 我就有 25 度近視 150 度老花, 秋秋右眼有 75 度近視, 左眼有 175 度老花 + 100 度散光.... 個個都要戴眼鏡 V___V
暑假要同陽光玩遊戲, 我想買副黑超好耐, 發現呢副高級烏蠅眼鏡叫小慈幫我影張相睇下會唔會太串, 見到我眼裡面有我個女呀~~~
秋秋揀左個背包俾自己, $199 超抵
好耐未試過, 全家一齊食譚仔 XDDD
小明初體驗! 識揀呀, 同媽媽一樣最鍾意蕃茄湯底, 小慈至愛清湯, 爸爸食 5 小辣下次挑戰 3 小
未有消費券已經洗晒 D 錢.......
沒有留言:
張貼留言