7.11 交替禮

今日好忙碌呀!  首先係我應承幫手做樂道天地既導師, 之前學既課堂技巧終於可以大派用場, 希望透過我都可以幫助祝福到呢班小朋友啦!  弟弟落黎探班幫我影左張相紀錄呢個大日子

樂道天地仲有主題曲添

弟弟話佢都好懷念小學時期黎呢度兒童崇拜

最想就係好似呢班小朋友咁同進殷哥哥曦曦哥哥玩遊戲 :)

玩完遊戲就分組上堂聽故事, 我呢班係 3-4 年級, 我仲未認得晒佢地個名同樣

食完飯再返教會參加助道部交替禮, 舊年交替禮在崇拜當中進行, 今年終於有番實體交替禮當然要參加啦!  第一次見翊廷細佬, 翊廷都大個左好多呀!!

翊廷與小明哥哥

交替禮開始, 今日唱既詩歌 神的帳幕在人間 超級好聽!!

今個年度, 小慈都成為撒母耳團職員了 ^^  

文書負責記錄周會內容, 工作簡單

求神使用小慈!  興起工人年輕人復興教會!  承傳!

我都連任為一個小小聯絡

我地係提摩太團, 今日少人 D D, 青年人有自己團契, 秋上左去音響室幫手, 師母去左教會籃球班, 分身乏術

搵番自己未?

教會有插花組每個星期獻花, 真係賞心悅目, 超型呀!

文牧師請每個家庭都送一張相俾佢, 望住我地為我地禱告, 在牧師房見到呢幅相片牆, 好感動呀!!

我地送左呢幅相俾文牧師

成為教會一家真好 ^^  感謝神!