拜拜 2020

12 月 31 日除夕, 完全冇印象今年做過 D 咩, 都係好瑣碎...

- 買左個氣炸鍋煮左好多野食

- 老公突然變左農夫種菜種菠蘿種蕃茄種薯仔

- 多左好多時間係屋企, 斷捨離左好多野

- 睇左好多套電影, 識左好多 youtuber

- 教識小慈小明打麻雀鋤大弟

- 小明小學畢業升中

- 帶小慈第一次做 facial

返工返得好少, 返學返得好少, 好耐冇見 D 朋友, 有 D 仲已經走埋.... 不過感恩一家人仍然健健康康, 身邊都冇朋友中招, 生活上有好多限制, 感覺自由終會被剝奪, 卑微地希望一切回復正常, 縱使知道已經冇得返轉頭 V_V'

活在當下!  常存盼望!  祝願 2021 會更好!

平凡之中找些特別樂趣!  今晚氣溫得番 7 度, 買左套厚睡衣同毛毛拖鞋俾呢兩位小朋友暖笠笠咁倒數迎接 2021

小慈話呢個 kiss 歷時兩年, 由 2020 錫到 2021 :DDD

Happy New Year!!!

2021, 加油!

新一年第一件事係做咩?  係 check 功課呀!  1 月 4日網上開學架嘞

小慈做晒, 弟弟仲有兩份讀書報告, 仲笑!

新年新早餐, 秋秋知我鍾意食沙嗲牛肉通粉, 但除左樂園出面真係冇間似樣, 於是佢為我親自烹調, 好似樣呀!  真係好好味呀!

我老公係廚神 ^8^  開心!

仲有全家一齊睇叱吒樂壇頒獎典禮, 睇住 Mirror 姜濤佢地攞獎真係好開心, 今年認識多左佢地, 睇晒全民造星 I, II, III 聽晒佢地既歌仲有劇集同埋節目, 熟晒~

生命仍在, 還有希望, 2021 定必更好!!  加油!

新成員

聽聞黎緊幾日香港氣溫會急降十幾度跌至單位數!  難得今日要出街就趁出太陽時出發, 唔好凍親!  我地仲去 shopping 買左兩盆小盆栽, 為大家隆重介紹 -- 白紫羅蘭 & 小家碧玉!!

球場因為疫情而關閉, 都唔使封成咁丫麻?

為新成員換盆先

靚晒~~

第 2 粒蕃茄都變紅摘得喇!

今次呢粒好大

盆菠蘿再生菠蘿仔真係好得意, 仲吸引到呢隻特別版蜜蜂黎飲水添

似雜草既花生原來已經可以收成, 有 D 太熟發埋芽, 我地將佢插入泥再種過

白蘿蔔 D 葉都大左好多

Amazing!!  生菜第 3 次收割!!

越生越大塊!

又剪一籃都仲有咁多菜苗, 應該可以收割第 4 次, 咩本都返晒黎!!

炒埋一碟, 食得!!  冇落鹽, 超甜超好味!

疫情聖誕

今年聖誕得 4 個字 -- 咩都冇晒!!  @.@  

一年裡面我最鍾意既日子就係聖誕節, 以往每年都可以返教會有一連串既活動慶祝主耶穌為我地降生, 但隨住 12 月頭第 4 波爆發, 停面授課, WFH, 停聚會, 停晚市.... 疫情放緩速度緩慢, 2020 年聖誕終於打破傳統要滯留在家

睇番動態回顧更加唏噓, 冇得報佳音, 冇聖景話劇, 連教會都冇得返, 聖誕感恩崇拜網上舉行, 氣氛係唔一樣啦

唯有望住教會棵聖誕樹同大門口一解相思之情!  不論有冇疫情, 都冇阻隔天父對我地既慈愛, 二千多年前一樣差派獨一愛子耶穌誕生世上, 託付馬利亞同約瑟將主耶穌養育成人, 為要捨身十架代罪救贖我們, Christmas 先可以 Merry

每次都令我感動既金句

I love you Jesus!  Jesus you love me :)

苦中作樂, 有一對父子對話

小朋友: 我今年有冇聖誕禮物呀?

爸爸: 冇咁快呀, 聖誕老人入境要隔離 14日, 冇咁快收到  XD

跟住, 網上竟然出左一封聖誕老人免隔離檢疫既信!  創意之高真令人佩服

誰是主角?

我地天台既第一粒蕃茄都在聖誕節熟透, 食得喇!

自己一手培植既當然鮮甜好味 ^^

平安夜我地食西餐慶祝一下!  配合小慈小明戒口, 我地將牛扒變豬扒, 一樣咁好味!

小心翼翼咁用刀切粟米仔, 真係冇佢咁好氣

聖誕正日就有爸爸炒飯, 仲有超甜炒萵筍, 正!

爸爸又買聖誕禮物俾佢地喇....

兩個都不約而同 post IG 同朋友仔講聖誕快樂

網上攪笑圖片

Boxing Day 我地全家一齊睇全民造星 III 總決賽, 我同爸爸支持雲姨, 小慈小明支持 Ben, 見到佢嬴冠軍真係好開心

Ben 既 bone breaking dance 每次睇都好震撼!  佢既性格謙虛怕羞又非常討好, 希望佢能夠朝著理想繼續走下去

有冇疫情都冇間斷既提摩太團今日繼續網上團契, 遠在加拿大既 Keynes 都好似冇離開過我地咁一齊參加

唔知係咪真係關事, 天灸後我真係覺得佢地大食左, 岩岩先食完早餐轉頭就叫肚餓要食杯麵

爸爸 12 月冇開工既最大功用就係同佢地溫書!  Phy Chem Bio Math 中西史地理靠晒你喇~~~~

本來一年一度年終事奉人員感恩祈禱會係教會舉行, 最後都要改為網上

今晚唱既詩歌係好好既提醒, 我地做基督徒既就要為主作好既見證, 生活得似別人的明燈一樣, 係好重要既責任, 生活指標

文牧師今晚既分享簡單有力, 再一次反思何謂事奉? 何謂理所當然?  

能事奉也是出於神的恩典!  感恩事奉者應有既 10 種態度我都有, 反而坦誠說出困難我就仲要再努力!  藉著以下既祈禱求主幫助

取自網上的文章都可令人再思聖誕的意義

我好喜歡羅師母疫情下既十個詞, 與大家分享

無論環境如何改變, 神對人既愛永遠不變!  主耶穌生日快樂!!