Free Lunch

呢件事都發生得幾突然.... 事源係咁既: 話說小慈小明學校舉行水運會, 平時搭開校車既小朋友, 校車就會直接送佢地去泳池, 但平時自行回校既小朋友, 家長就要自己送佢地去泳池, 不過今次個泳池唔係馬鞍山而係荃灣城門谷, 好遠, 仲要 8:45 am 先好抵達太早未有老師, 咁我要返工一定趕唔切送佢地啦, 於是就搵爸爸幫手義載, 爸爸話呢 D 皇家 order 當然冇問題.  點知爸爸準備接小慈小明時, 竟然 send 錯 whatsApp group 去左姑媽爺爺度, 攪到姑媽好奇問：「8:15 am 接我去邊度? 返工?」於是就講左件事出黎, 講下講下, 姑媽就話城門谷泳池好近佢公司, 小慈小明又放半日, 不如一齊食 lunch, 姑媽請啦!

於是, 小慈小明都係第一次著住校服同姑媽食 lunch :)

小明話家姐要對住家姐坐, 細佬要對住細佬坐 :D

食西餐, 呢度環境幾好, 食物仲好大碟添呀!

超誇張!  勁量 size!

本來小慈小明話水運會冇參加比賽半日坐係度睇人游水係悶爆既, 點知放學竟然可以同姑媽爸爸食 lunch!  無心插柳柳成蔭就係咁既意思!

Happy Day!  多謝爸爸 send 錯 group!  多謝姑媽請食 lunch :)