生病了的母親節

每年的母親節, 我同小慈小明不約而同一齊獻詩, 我今日唱愛的恩賜, 小慈小明唱 Special Moment, 將最好的獻給天父 ^^

早堂唱一次, 午堂唱一次

小明台上英姿

好鍾意小慈個專心樣

獻唱後初級詩班呢埋一二邊, 因為仲有特備節目

 就係走均全場送花俾教會所有母親

仲有冇人冇花呀?  小明, 呢邊呀!

小慈第一個衝上台送花俾我啦 ^^

個個都好乖, Special Moments 好好聽呀!

今朝一早小慈小明就送張自製母親節咭俾我, 張咭可以拉上拉下郁動心心, 睇到人心動, 無獨有偶, 教會哥哥姐姐都係教小朋友做呢一款咭, 兩個再做多一張俾我, 好 sweet 啊~

獻完詩我已經得番半條人命, 鼻水長流長有, 又頭痛又喉嚨痛, 等緊爸爸車我地返屋企之際, 去公園玩好耐冇玩過既千秋

我辛苦到咩都唔想食, 就晒佢地去食隧道包, 今日似兒童節多過母親節啦, 佢地仲開心過我

好在昨晚同家姐一齊慶祝母親節食左好野, 否則今日病到咁食龍肉都冇味!  幾年冇煮, 秋秋既鮮胡椒炒蟹依然極度好味, 秋秋今年仲試煮黃金大蝦俾我食添, 真係好好味啊~~~

十個氹媽媽開心既方法, 小慈小明識做啦?!

昏睡中渡過母親節, 星期一一早要光顧診所了, 嗚嗚.....

Happy Mother's Day!  最重要身體健康!!

逛街

小慈半年一次既脊柱側彎要覆診, 預約時間係 11:00 am 尷尷尬尬, 我唯有請半日假同佢去檢查啦~

影埋相, 醫生即場睇報告話同半年前一樣, 冇嚴重到, 記住唔好揹重野同 keep 住做運動就 ok, 又半年後再返黎覆診.  成個過程超快, 前前後後唔駛半個鐘, 走得!

小慈死都唔肯返學校食飯, 係都要同我食, 一不離二, 二不離三, 仲約埋爸爸一齊食壽司, 返緊學既弟弟羨慕到不得了 (小慈仲要放學第一時間同佢示威......)  @.@

之後, 弟弟差 D 俾人寫手冊話佢唔攝衫, 後來發現係件恤衫太短攝左都走番出黎, 老師話俾兩個選擇佢, 一係買過件衫, 一係買條皮帶!  咁.... 梗係買過件恤衫實際 D 啦, 帶埋佢出去花園街舖頭買, 偶遇貓貓摸左幾下添~

花園街真係好多花, 幾時見到都開心

隔離就係雀仔街, 小明梗係要去探埋雀仔啦

醉翁之意不在酒, 去雀仔街志不在雀仔, 每次黎都要捉草蜢!  今日大豐收捉左 6 隻, 有幾隻仲識飛好生猛架!  十幾分鐘就捉到咁多, 小明勁自豪呢!

呢個透明膠袋本身係用黎裝住佢件新恤衫架, 真係物盡其用

好難想像佢地竟然咁鍾意昆蟲同動物

送草蜢返屋企途中, 不停話佢地得意......

唔知呢 6 兄弟又可以係我地屋企住幾耐呢?

死而復生的天台花園

天台, 一直都覺得用黎曬衫同種花係最理想既地方, 點知我每次上天台都俾蚊咬到變豬腿, 令我對天台卻步, 就算上去都要重裝備著晒長衫長褲, 更要做快閃黨唔會逗留所以冇幫手打理, 秋秋亦要返工做足 12 個鐘對天台既小植物都疏於照顧, 係 day off 先上去望下, 一個冬天就花草凋零慘不忍睹..... 點知, 我地換左個新姐姐之後, 佢極度喜愛我地個天台日日都上去巡幾轉 (唔知點解 D 蚊唔咬佢噃....) 姐姐又幫手淋花除草, 終於, 我地個天台花園在春天翻生喇!!!

怕羞草種子發芽, 落地開花生到成塊葉都係 BB, 玫瑰花茉莉花菊花盛放, 連豬籠草我地諗住佢已經死左, 點知重生不特止, 仲隻隻豬籠有十幾廿隻螞蟻 @.@ 有野食所以美貌更勝從前, 好開心呀!

有次經過花檔嗅到茉莉花好香, $10 買左一扎返屋企, 放左兩三日就冇, 秋秋話 $10 買一扎, $20 可能買到一盤, 自己種咁就長開長有化算好多啦!  好, 經過花墟就買左 $25 一盤返屋企, 燦爛完一個夏天, 冬天我又以為佢死左, 而家又開番喇~~~

弟弟最開心就係我地既盆栽吸引到螳螂不停返黎生蛋, 簡直係變左螳螂養殖場

See?  又有一隻!  螳螂最鍾意士多啤梨盆, 因為香, 吸引好多螞蟻同埋其他小昆蟲俾佢地捉黎食

螳螂所向無敵係昆蟲界既大佬, 所以佢地唔驚人, 經常俾小慈小明放上手心玩

舊年買既小慈生日桃樹, 食晒幾粒小桃之後就無以為繼, 連原本個枝主幹都枯埋仲雜草叢生, 小慈正在傷心之際, 旁邊竟然新生一枝頭, 仲長出許多新葉, 翻生喇!  翻生喇!  小慈好開心, 即刻問幾時再結果子?  好甜好好味 ^^

姐姐咁好, 生日當然要同佢慶祝一下啦!

Happy 1st Birthday in our house!  Happy to have you here, Adora!

失而復得的訓練營

每年, 學校的基督女少年軍都會舉辦宿營, 仲好記得小慈小四時第一次參加, 萬般不願意離開屋企出街瞓, 結果當然係樂極忘返啦, 之後既每一年都非常期待呢個宿營, 不經不覺今年已經係最後一年, 原先因為流感停課連個宿營都冇埋, 點知老師即時應變再訂營舍, 令呢個一年一度舉行既宿營唔駛腰斬!

全套制服整齊有型咁入營, 3 年來小慈已經考到成身都係獎章 ^^

執行理時醒起要打呔, 小慈睇住爸爸示範, 睇睇下就學識左!
小慈興奮地話:「好野!  我可以幫同學仔打呔喇!」
我:「幫人打呔係好親密既動作黎架喎....」
小慈:「媽媽放心啦, 我全部都係女同學黎架, 基督『女』少年軍...」
我:「係噃...... 哈哈哈哈哈」 :D

香港少年領袖團萬宜訓練營, 小慈今次係第二組組長

2 日 1 夜其實係好短既時間, 小慈話今次真係訓練營, 要玩野外定向攀山涉水, 又要做掌上壓多重體能訓練, 仲要求舖床舖到冇摺痕, 亦要洗碗掃地, 食飯唔可以食剩一粒, 佢醒目地叫左少飯所以冇事, 有同學食飯食到喊..... 都真係幾艱苦

G.B. Girl 一定要唱 G.B. Song 啦

出營著 G.B. T-shirt, 有位小朋友話一定要去接家姐喎

星期五入營前都要返學, 所以小慈要帶書包, 執一個背包行李, 仲有一個環保袋裝 G.B. 制服, 都有 D 論盡, 愛錫小慈家姐既弟弟二話不說就幫手揹背包, 好 man 呀!

久別重逢的兩姐弟

福滿龍城再下一城

傳福音係大使命, 係我地做基督徒既責任

咁點傳福音呢?  今日我地又跟教會出去派福音單張同毛巾仔益街坊喇~~

希望街坊喜歡我地既小禮物,耶穌愛你呀!!

影張大合照就往普天下去了~~

大會指派我地派禮物既路線

小慈小明極度積極去派毛巾, 仲同街坊傾下偈添

不過延文禮士道呢個路口街坊唔多

後來我地轉戰九龍寨城公園門口, 人流甚多, 同天瑋天洛英雄所見略同, 大家都完成使命喇!!!

主祝福你!  耶穌愛你!!

狗狗年的小慈 12 歲了!

小慈小慈小小慈今日 12 歲喇!  今年我覺得乖女高左好多, 已經去到我耳仔, 扯高, 冇肥到, 所以令人覺得佢更瘦, 不過佢非常唔鍾意人地一見面就話佢瘦叫佢食多 D 野  -_____-  冇計, 你阿媽我俾人講足 30 年, 係生完弟弟先開始肥, 乖女你仲有排俾人話, 笑下就算啦 :DDDDD  而家望住佢開始有少女既感覺, 高高瘦瘦面尖尖頭髮長長, 成個靚女咁, 忍唔住成日啜佢, 太可愛喇!  青春期未殺到, 不過已經有晒心理準備, 所以錫得幾耐得幾耐 ^^

生日要返學有少少陰公, 所以晨早醒左小慈 12 啖 morning kiss 賀壽星女, 仲同佢玩抽獎氹佢添!  成袋禮物俾佢抽, 本來話抽住一份先放學再繼續, 點知抽第一份禮物已經勁鍾意, 抽下抽下被好奇心戰勝要抽完為止, 高興到遲晒出門口返學, 最後要出動專車 :)

弟弟送上千金難買的豬嘴 Kiss ^8^

令我諗起呢兩隻相親相愛既貓, 媽媽最安慰見到佢地攬攬錫錫, 多謝天父!

買左本每日靈修英文版, April 20 要 Trust and Obey God, very wise!

小慈話份份禮物都超鍾意, 講左好多次多謝媽媽!  又話完全知道邊份禮物係爸爸買既添 :D

小慈對呢本畫冊愛不釋手, 急不及待上色仲話 D 顏色筆有香味 :)

學校內老師都有獎勵小慈, 答岩數學問題送獎勵券兩張!!  Very special on her birthday :)

返學前勁收禮物, 放學後即切蛋糕!  呢個蛋糕我一見到就知係屬於小慈架喇~

可愛的小慈 12 歲生日快樂!  We love you!!!

爸爸攪笑, 俾小慈話佢好低能.... 為搏紅顏一笑, 爸爸用心良苦不過成功左!

大個女, 生日願望係去唱卡拉 OK!!

三、四年前我帶過小慈小明第一次唱 K,當時佢地年紀細一首歌都唔識唱, 識唱既, 卡拉 OK 又冇, 我仲估佢地唔鍾意唱 K 添, 所以冇估到幾年後嘅今日, 小慈記得之餘仲竟然想去唱生日 K 真係好意外!

不過今時唔同往日, 我地成晚唱 Sammi 呀、徐偉賢等既潮詩歌，好 high 呀!

小慈唱左好多潮詩歌、主題曲, 小明竟然都爭咪唱出大量「二次創作」如無間道、多啦 A 夢加油版等, 聽到我地眼都大埋!  現今小學生真係不能低估

麥兜都係一位歌手, 佢既「教我如何去小便」真係笑到我地碌地!

生日蛋糕一個接一個, 開心到小慈不得了!  多謝爺爺姑媽姑丈

爺爺既生日利是寫住小慈考上理想中學!  好感動!  一定會架, 因為天父必看顧我們 ^^

面書既當年今日, 6 歲既小慈已經好生性, 仲越大越乖添!

Happy Happy 12th Birthday, 小慈乖乖 ^8^