影埋相, 醫生即場睇報告話同半年前一樣, 冇嚴重到, 記住唔好揹重野同 keep 住做運動就 ok, 又半年後再返黎覆診. 成個過程超快, 前前後後唔駛半個鐘, 走得!
小慈死都唔肯返學校食飯, 係都要同我食, 一不離二, 二不離三, 仲約埋爸爸一齊食壽司, 返緊學既弟弟羨慕到不得了 (小慈仲要放學第一時間同佢示威......) @.@
之後, 弟弟差 D 俾人寫手冊話佢唔攝衫, 後來發現係件恤衫太短攝左都走番出黎, 老師話俾兩個選擇佢, 一係買過件衫, 一係買條皮帶! 咁.... 梗係買過件恤衫實際 D 啦, 帶埋佢出去花園街舖頭買, 偶遇貓貓摸左幾下添~
花園街真係好多花, 幾時見到都開心
隔離就係雀仔街, 小明梗係要去探埋雀仔啦
醉翁之意不在酒, 去雀仔街志不在雀仔, 每次黎都要捉草蜢! 今日大豐收捉左 6 隻, 有幾隻仲識飛好生猛架! 十幾分鐘就捉到咁多, 小明勁自豪呢!
呢個透明膠袋本身係用黎裝住佢件新恤衫架, 真係物盡其用
好難想像佢地竟然咁鍾意昆蟲同動物
送草蜢返屋企途中, 不停話佢地得意......
唔知呢 6 兄弟又可以係我地屋企住幾耐呢?
沒有留言:
張貼留言