80 周年之羽毛球比賽同樂日

嘩嘩嘩~~  教會今年 80 周年呀!  籌備小組推出一連串慶祝活動, 羽毛球比賽係其中一項, 我本來冇打算參加, 點知團契時講下講下就參加左..... 好大壓力啊!  我從來都冇參加過羽毛球比賽, 後生既時候貪玩咩都會試下學下, 叫做所有球類運動都識識地, 可惜今時唔同往日, 家陣連追巴士都就黎死, 仲要上場比賽, 好怕會猝死啊!!!  得兩個星期時間, 操體能都攪唔掂, 點算好?

死就死吧!  最多咪輸之麻..... 今日就係比賽既日子, 小慈同我既感覺一樣, 以為係比賽自己唔熟悉就冇報名參加, 點知成個教會咁熱鬧連媽媽都參加, 於是死黐住我, 媽媽去邊佢就去邊, 同我打氣都好喎, 又或者可以係場邊玩下, 更妙想天開認為羽毛球場一定有籃球架, 可能連籃球都有得玩, 帶埋個私家波去穩陣!  於是弟弟又跟埋黎, 好啦, 一齊出發做運動啦!

趁大家精精神神影張大合照先~

比賽在培道中學體育館內進行, 估唔到體育館以我地教會命名, 好榮幸啊 ^^

歷史博物館, 培道今年 130 周年了!

大家仲係度安頓之際, 小慈小明即刻把握機會搓兩板

越來越多小朋友加入

比賽開始後就在場邊玩, 所以佢地今日既運動量應該多過參賽者 :D

媽媽落場了

小慈幫手做計分員

仲拍低我既「英姿」添 (面紅....)

好在有嘉麗做拍擋, 都有默契呀我地!  一場勝, 一場輸加時, 體力唔夠後生女啦!

完全唔曉球例, 原來要經常走位轉發球

有小慈幫手打氣, 媽媽仲生還.....

小明都有幫手計分, 瀚林哥哥不單識彈琴同拉小提琴, 連打羽毛球都好 pro 好勁呀!

補充體力中.... 小明要去廁所, 點知層層都冇要去到地下先有一間, 因為, 呢間係女校..... :DDD

下午好多賽事已經完結, 淨係得番決賽, 我地得閒到玩影相

真係俾佢地執死雞打籃球

新波終於落地

大會致送既紀念品, 好靚呀!!!  超鍾意!

經過一輪龍爭虎鬥, 我地友尼基仔仔得到季軍!!!  在祟拜後頒獎, 好開心呀!

羽毛球比賽同樂日, 鼓勵弟兄姊妹參與有益身心的運動, 讓透過切磋球技及同樂日活動, 增進彼此間的友誼..... yeah!  今日見識到弟兄姐妹既另一面, 個個都臥虎藏龍, 好勁呀!