我兩個男人仲瞓緊
反而 3 位家姐最早起身, 成晚相安無事仲話好好瞓添!
食早餐喇! 都係最鍾意食越南河, 廚師即叫即製真係冇得彈
有帽既其實係生果黎架
我好鍾意食牛奶粟米片, 佢地呢度用獨立包裝更加爽脆
除左自助餐食物, 呢度仲可以叫餐牌上的早餐, 每人一份及一杯飲品, 份量真係好夠呀!
呢杯都係 Iced White Coffee, 侍應話等咖啡滴完之後放入冰塊拌勻就飲得, 好搞野
小明好鍾意呢 3 個家姐
食飽又去沙灘玩
菠蘿?!
冇帶泳衣, 好在有得放下飛機, 不過沙灘太陽直曬太熱, 此地不宜久留
用心打造的酒店, 周圍環境好靚
發現 Kids Castle
有 D BB 又唔夠大, 應該唔岩佢地玩啦
一致通過返 villa 游水
問小慈小明想唔想我地自己間屋係咁? 佢地竟然話太大太多人住好嘈.... 哈哈哈哈哈~~
呢間係 TV room, 佢地全部用黎打機
好! 早餐已落隔, 泳池水又曬暖, 係時候落水玩喇~~
兩姐弟扮演緊蜞乸黐住爸爸, 好難先撇甩佢地
媽媽們都好羨慕小慈小明乖, 一叫就過黎影相, 非常合作, 訓練有素
男仔突然過黎呢邊 '斯文水' 踩場
仲玩裸泳
嚇到班女仔唔敢落水...... 最終班男仔係返去男仔屋繼續裸跑裸泳的....大解放, 一世人可能得一次, 將來可能會後悔........ 笑爆嘴 :D
呢邊斯文水繼續玩安靜的玩具, 問左小明, 佢打死都唔會除泳衣跳水...... :DDDD
呢隻獨角獸暗藏殺機, 會連人帶獸一齊飄出池邊倒臥山邊, 要金睛火眼睇緊
浸到縐皮, 爸爸靜悄悄呢埋呢角好位打機
嘆世界嘆到盡
我地 book 左時間做 massage 呀, 爽爽爽~
我試左個 coffee cellulite body scrub, 摔完成身啡色要沖涼好特別. 秋秋試 deep tissue massage 都好正, 不過 75 分鐘真係唔係好夠皮!
我地班爸爸媽媽 massage 之際, 小朋友們去晒球場踢波打排球玩閃避球
籃球班的小明努力射籃中
小慈送我最鍾意既雞蛋花放入酒店房俾我, 真係乖
玩左幾日, 小朋友自成一閣, 大人們輕鬆撐枱腳
打波實在太好玩, 食飽飯又繼續! 爸爸指導小明籃球技巧, 一教就穿針喇!
排球大戰, 連媽媽都落場打番場友誼賽
好唔捨得, 好想繼續玩, 不過已經 10:30 pm, 我地聽日早機出機場要執行李了
last night in Vietnam......
沒有留言:
張貼留言