謝師咭

老師係一種好辛苦既職業, 就算有悠長既暑假同其他學校假期, 但相對於要做既工作係不成正比既, 好多時假期都要返去開會做行政, 放工仲要改卷改簿出題目備課, 又要應付學生情緒家長要求等等. 小明小慈有時都會抱怨老師俾咁多功課, 但我次次都話, 老師俾功課你只係做一份, 但老師之後要收番 30 幾份返去改, 改完又錯錯完又改, 邊個辛苦 D?

所以, 每年都會寫謝師咭, 對老師獻上點點心意, 認同佢地工作既艱辛!  今年小慈榮幸地被班主任龔老師揀中上台讀出謝師咭!!  小慈話上台有少少緊張, 但都讀得好流暢, 叻!

除左今次上台讀謝師咭, 之前小慈都有試過早會代全校祈禱, 多謝老師俾機會小慈練膽量 ^^

家教會今年為老師送上果籃

一班值得表揚既老師

中間既林耀輝主任係小慈好尊敬既中文老師

多謝你地選擇教師為終身職業!  願天父大大使用你地, 生命影響生命!