尋日玩得太攰, 小慈小明已經唔想最後衝刺游多轉水, 話要留番 D 力去新酒店先玩喎, 於是行行企企周圍影下相啦! 係露台發現呢隻大甲蟲陪佢玩左好耐, 見佢咁可憐仲去花園放生添 ^^
我地又坐專車去碼頭喇
就係呢個出入紀錄, 每次嘟房咭就出我地個樣, 小明話我地似通緝犯 -v-'
7 小福, 冬晴最大, 熙熙尋日 12 歲, 搴搴今日正日, 柏弦 5月最細
而家要佢地合照係好不情願的.....
幾個望海等開船的小孩.... 佢地話碼頭有 Nemo
似唔似孖生兄弟? 琛仔明明細過小明年半, 但無論身型、外型、眼鏡, 連把聲沙沙地都似到十足十!! 有幾次琛仔講野我真係以為係小明黎架 :D
轉酒店, 我地今次住 Mia Resort, 一間屋有 5 Bedrooms, Beachfront Villa ^^
無敵海景~~~
越南既天氣真係好好, 日日都 26、27 度, 藍天白雲又有風, 超正!
Mia 既 welcome drinks 仲有甜品, 好好食呀!
等 check in, 小明真係一個好嗲既小朋友, 好可愛
呢度非常大, 去邊都要搭 shuttle bus
我地搭私家車去 lunch, 呢架 shuttle 好似哥爾夫球車
原來呢個係人工沙灘黎架
萬里無雲
好舒服呀呢間餐廳, 不過 D 食物巧貴呢!
食沙律送蝦片, 但估唔到呢兜沙律超辣, 咁岩 waiter 問我 how's everything 既時候, 我就同佢講 too spicy, 話口未完佢就即刻攞走我呢碗做過兜新既俾我! 有賺, 因為之前個兜我已經食晒 D 蝦 :DDDD
呢餐 lunch 成二百萬, HKD $7xx.... 雖然都好食, 但我懷念第一晚食既晚餐 $44 萬咋, 平靚正! 冇計, 酒店食一定貴
靚媽海邊艷照 :p
係時候要去睇下我地間屋喇, Mia Resort 沿海興建, 海景無遮無擋
Villa 802 男仔屋, Villa 803 女仔屋, yeah!
以 7 小福為依歸, 小明納入女仔屋 :DD
呢個係我地個廳, 好有溏心風暴 feel, 大家族
間屋有 3 層, 最上層係廳、露台花園及泳池, 下層係房, basement 都有一間套房
3 位家姐今晚一齊瞓
原來得我地間房有浴缸咋!
放好行李, 梗係第一時間游下個私家泳池啦
好似可以游出海咁, 好正呀!
嘆世界系列
其實爸爸做緊 secu
26 度太陽又唔猛烈泳池水都幾凍, 於是小明話要浸完凍水浸番個熱水平衡下喎
嘩~~ 沖完個涼飯廳已經佈置好
我地請左一隊廚師黎 villa 為我地 28 人做晚餐
露天 BBQ
幾位等食的小孩
大人細路都鍾意食自助餐
飲杯~~
仔大女大識照顧自己, 我地可以慢慢嘆番餐
兩位大廚非常忙碌, 28 人既份量真係唔講得笑, 燒 4 輪都仲係燒緊大蝦, 嚇到我地即刻 stop 佢要燒第二樣, 唔係就食蝦都已經飽晒.... 份量真係太勁, 後尾我地要將煮好既食物 pack 入雪櫃當明天既 lunch, 一餐飯兩餐食, 抵呀!
同場加映熙熙搴搴生日驚喜派對, 侍應突然捧個蛋糕出黎, 一齊唱首生日歌啦~~
當集體慶祝埋 12 歲 :p
食飽左, 呢位小朋友已經冇電要瞓了
3 位家姐都準備就寢, 小慈被安排瞓中間, 希望佢唔好連環踢醒巧巧同冬晴啦.....
Good night~~ Sweet dreams!
P.S. 聽聞隔離屋班男仔成 1:00 am 都唔瞓, 特別係班細佬一齊 high 爆瞓唔著, 哈哈哈哈~~~
沒有留言:
張貼留言