2017 校際音樂節

為左今年既校際音樂節, 我地轉左琴老師, 仲落重本參加 workshop, 又當眾演奏左幾場, 超級老師教佢手指要幢直、手背要用力、要彈到好似絲帶舞咁連貫、放 D, 輕輕鬆鬆開開心心咁去彈....... 非常希望佢今次校際可以有好表現

不過小慈係一個唔穩定既小朋友, 今朝練琴 3次都仲有錯音, 真係 no eye see, 盡力做啦!

終於, 小慈一粒音都冇錯, 彈得幾好, 技巧都有做到, 係彈咁多次之中最好既一次, 我都期望佢可以攞隻第三名!   獲獎有好多原因, 就算臨場發揮得好, 都要睇評判口味、對手強弱等等.........   噢!  差少少呀!!  季軍 87 分, 小慈 86 分..... 少少可惜, 不過我都真係好開心見到小慈有進步!  86 分係佢 4 次校際音樂節得分最高既一次, 對自己已經好有交代 :D

音樂感、表達力、技巧都係要浸, 慢慢煲出黎既, 學評判話, 彈琴好似講故事咁, 透過琴聲講你要講既野, 呢 D 境界真係要慢慢領悟

已經勝過今朝的自己, 繼續努力, 小慈你一定會成功架!!