問小明呢個獎點攞架? 佢話佢自己都唔知, 佢只係好鍾意去圖書館, 幾乎日日午息都會去, 有時見到得意既圖書會借番屋企, 但大多數都會坐係度睇書 ^^
好乖好乖! 媽媽真係超開心! 我真係好鍾意小朋友自發地睇圖書, 仲要自己發現讀書既樂趣, 聽到小明日日去圖書館, 我真係好感動......
實在太乖, 獎小明一盆佢恨左好耐既捕蟲草 :)
有埋養植方法
呢隻小明豬真係好可愛! 佢形容自己係活潑好動, 有反應同埋貪玩 :D 佢話自己係學校好主動架, 例如上體育堂時, 如果大家都唔知玩咩好, 體育老師一定會問:「恩明有冇提議呀?」咁小明次次都會俾到意見!
又例如食飯前會祈禱, 老師會搵人領禱, 做「祈禱小勇士」, 小明次次都主動舉手, 有一次祈禱仲祈到老師送獎勵券添! 咁勁? 我問佢祈左 D 咩? 係唔係幼稚園版既「多謝天父賜我飲食, 求主祝福身體健康, 奉主名求, 阿門」? 小明話冇咁簡單, 佢係咁祈既:
「親愛既天父, 多謝你俾我地有一齊學習一齊吸收新知識既機會, 又俾我地有豐富既食物, 求祢教導我地要珍惜, 唔好浪費, 多謝天父聽我地既祈禱, 奉主耶穌基督聖名祈求, 阿門!」 又祈得幾好喎! 唔怪得老師送獎勵券啦 ^^
P.S. 2 月之星都係佢!! 又係第二名 ^^
4 月仲勁, 第一名添!!! :DDDD
爸爸媽媽非常欣賞你, 特別係自己去圖書館既小明簡直超欣賞, 不過記住保持安靜呀 ..... 哈哈哈!!
沒有留言:
張貼留言