演出

教會有個話劇團叫做 Up to You, 以演藝方式配合教會事工, 提供事奉及傳福音的平台, 過往我地都有去觀賞 Up to You 既話劇

幾乎每年, 我地呢個家庭都會被幗萍姨姨邀請參與話劇, 但差不多每一次我地都咁岩唔係香港參與唔到 @.@  今年, 小慈被導演同埋幗萍姨姨引荐參與受難節早禱會晨劇, 日期咁岩就係我地出發返鄉下個日!!!  點解咁架?  點解咁「橋」架???!!!  我有 D 唔憤氣, 於是問清楚姑媽買左高鐵車飛未?  哈!  平時要一個月前訂車飛, 今年話票務調整拖左幾日都未買, 於是我地可以改日子, 演埋套晨劇先返鄉下 ^^

今晚幗萍姨姨親自上我地屋企同小慈對劇本, 佢地飾演兩母女, 生活艱苦仲有磨擦添!

角色極具挑戰, 同平時既小慈完全相反, 小慈都覺得好好玩

返教會排練, 導演堅城哥哥好有要求, 不過又好錫住小慈 ^^

時間緊迫好快就到復活節, 差不多晚晚都要返教會綵排, 大家都希望獻上最美俾天父

可愛既幗萍姨姨請小慈食雪糕

食完又努力綵排咯!  好期待睇你地既演出 ^^