書包

小慈個書包重到我連揹一條直路都覺得辛苦!  難為佢仲要上落樓梯、放學仲要去補習......  乖囡仲要非常孝順媽媽任何時候都唔要我幫佢.....  囡呀!  你有脊柱側彎問題, 再加上分分鐘都係發育時期要長高架麻, 真係心都痛埋!

問佢點解個書包咁重?  小慈話唔知老師邊刻派功課, 佢好想老師一話要做邊份功課佢就可以小息午息攞出黎做, 咁返屋企就唔駛再做功課, 於是書包除左有當日上堂既書, 仲有作業、class work、self-learning、預習簿、學習秘笈等等......

咁樣真係唔係辦法, 試過用另外一個袋裝開功課, 小慈又話唔方便, 學校又冇 locker 唔可以 keep 書..... 點好呢?  小慈就提議換過一個有轆既書包, 好似空姐咁拖拖下咪慳力攞!  就算要揹上樓梯都唔係好重, 佢有一個同學用既牌子幾好, 問我可唔可以買?

梗係可以啦!  時代進步, 呢款有轆書包真係又輕, 容量又大呀!

望到頸都長先等到星期一, 新書包落地了!!!  未試過星期一返學咁興奮 :D