大出血

無休止既返學、做功課、默書、測驗、考試、補習...... 真係會人都癲!  冇辦法, 呢個係做學生既責任, 好似我幾唔想返工都係要返因為係我既責任, 改變唔到環境唯有改變自己既心境, 令自己開心 D, 喜樂的心乃是良藥麻!

呢個星期測驗週, 應承小慈小明努力溫習測完驗就同佢地去街, 去邊都得!  小明話好想去花園街雀仔街, 小慈就話想去玩具店文具舖, 得!  冇問題 ^^

先去玩具店, 身後飾櫃大量經典玩具, 好多連我未都見過

嘩~  劍仔呀!  質素唔算太高都賣 $168, 爸爸屋企個 D 咪價值連城?!

個個星期見我買花買盆栽咁開心, 小慈小明都不甘後人各自揀左自己鍾意既小盆栽返屋企放自己書枱!  小慈揀左小草球, 因為問左店員間房少少陽光都種到, D 草長左仲可以幫佢剪頭髮咁剪, 笑死!!  弟弟就話佢一直都鍾意仙人掌, 貪佢吉手好玩, 呢兩盆 BB 版底盆只有五毫子咁大好得意!  摺左間屋俾佢地仲改埋名, 小慈小明真係好可愛 ^^

去雀仔街玩, 小明一心諗住買一包蟋蟀, 因為表哥送既蟋蟀養左成個月只係淨番一隻好孤單, 所以要買番一袋黎陪佢 :D

路過見到 BB 雀, 佢地黃色既口令我即刻諗起「燕詩 - 黃口無飽期」, 指俾小慈小明睇時雀 BB 見到我隻手指以為有野食就擘大口, 哈!  好玩咯!  小慈小明即刻用手指引佢地向上望向下望, 仲玩埋 You raise me up, 笑爆嘴!!

噢!  可憐既麻雀仔點解你係籠入面架?

去玩具店點會空手而回呢?  呢個迷你桌球勁重抬死我, 已經當係小慈 11 歲既生日禮物  >v<

做學生點都係開心 D, 學左新知識係喜悅既, 測驗考試都會好快捱過, 隔一陣又有長假期放, 幾好!  從來冇要你地追成績, 只要求你地盡力做好, 讀書係為自己而讀, 學到既知識跟你地一世!  好好珍惜做學生既時間, 爸爸媽媽好想你地有個快樂既童年~

替自己加油!  網上流傳呢個多啦 a 夢加油版, 旋律就係叮噹主題目, 歌詞非常到肉, 笑死!

小明勁鍾意, 自己手抄一次 :D