琴書

今日學完琴返黎, 弟弟超級興奮俾本琴書我睇!  原來只要佢彈琴彈得好, 琴老師就會獎佢有貼紙

呢兩張貼紙好特別, 琴老師亦都非常有幽默感, 彈印第安小屋就貼印第安人貼紙

呢本 John Thompsons 由我學琴時買, 流傳俾小慈, 而家再流傳俾弟弟, 一書三用, 抵晒  :D

毫無拍子感, 時快時慢, 彈晒成首歌就算完成既小明, 希望佢彈印第安小屋會有改善啦

成日都覺得佢彈琴麻麻地, 出盡力叫佢唔好學佢又死唔制, 咁就唔該俾心機啦, 哼!

嘉寧姐姐

小慈 4 歲開始返兒童詩班, 好鍾意唱歌起舞既佢, 唔知點解喊唔停, 好在當年有無比愛心既茜婷茜儀嘉寧姐姐氹小慈, 真係唔係講笑呀, 喊左大半年架  >.<

幾咁可憐...... 可憐到要茜儀姐姐專登坐佢距離氹佢

乖既小朋友有貼紙, 小慈都終於唔再喊喊喇

睇番當年既相, 呢班小朋友已經長大好多 :)

努力練習, 每季獻詩一次, 小慈小明有兩年都可以同場演出架

辛苦你喇嘉寧姐姐, 希望你忙完之後可以再返黎兒詩教小朋友啦!

能夠上你既堂好幸福, we will miss you!

參觀可口可樂廠

好事成雙, 參觀完益力多廠梗係唔放過參觀可樂廠啦!  對上一次黎, 小明未夠 5 歲唔俾參加, 今年終於合資格喇 ^^

可樂博物館

好有型既可樂裝飾

R2D2?!  豉油樽?!

以前既可樂樽

特別版可樂樽

成桶可樂 ^^

可樂廠生產線模型

咩都玩一餐

最後當然係賞你飲番支非常夠汽既可樂啦!

參觀益力多廠

機緣巧合見到有得參觀益力多廠, 其實舊年已經參觀過, 點知一問小慈小明就話要再去, 於是, 我地又黎喇 ^^

入口都有成支益力多, 好攪笑

大力宣傳中既蕃爽麗茶, 聞說可以阻止糖分吸收達到減肥效果

唔同國家有唔同包裝既益力多

益力多廠既歷史, 爸爸話以前住官塘成日經過佢間廠架

大埔呢間廠原來已經有 20 年喇

歷史牆

睇番以前益力多既廣告, 最印象深刻都係:「你今日飲左未呀?」

我鍾意呢張咭片  >v<

入課室聽簡介

坐頭位唔駛爭櫈仔

請飲益力多係指定動作, 真係新鮮好味架

每人送一個 folder, 內有貼紙及玩具

仲有卡通片睇

準備入廠房參觀, 首先要用呢個大風吹消毒

呢幾桶就係培養長藏  直達, 受過訓練唔怕胃液十二指腸液既活性乳酸菌培養室

機械式操作, 益力多就爸爸聲出晒黎

最後, 我地都買左 D 紀念品返屋企

益力多 Track Board

上鍊飛機仔識自動係本書上面行

出年仲參唔參觀呀?  小慈小明: 「要~~~~~~~~~~」

Encore 夏水禮

小明講左好多次海洋公園威威天地都有個小朋友夏水禮, 我地上次冇去好想去玩番!  好啦, 爸爸既咳又好得 7788, 一家人再去玩多一次啦 ^^

今日天氣超熱, 玩水岩晒!

又水槍, 又眼罩, 非常重裝備

比想像中細, 不過小朋友黎講已經夠玩

射呀!

舉高雙手咪郁呀!

轉戰玩泡泡

一堆小朋友係呢個泡泡浴缸行來行去

我以為佢地會覺得好無聊, 點知佢地玩完要求 encore, 真係估佢地唔到

呢張相, 我笑左好耐 :D

係, 一個唔覺意就會攪成咁

不過場外會有哥哥姐姐駐紮幫小朋友洗面

玩完仲有沖身服務, very good!

威威天地既死角都仲有一間屋仔有動物睇, 平時真係唔覺

節枝動物, 不是截肢動物  >v<

盧氏小樹蛙呀!

上次冇時間搭纜車, 今次終於滿足番晒小朋友既願望

去左北極, 斑海豹游過

佢個樣真係好可愛

海象玩倒立

兩姐弟真係好鍾意公仔

帶爸爸去冰極餐廳, 好邪惡咁食芝士薯條

最鍾意食牛扒

爸爸同小慈去玩激流, 小明依然未夠高冇得玩, 唯有帶佢去埋南極探企鵝啦

天黑企鵝全部瞓晒覺, 仲係面壁咁瞓真係好攪笑

恐龍與海獅

呢位小朋友駛出佢既電眼同埋超甜美笑容想媽媽買公仔俾佢, 可惜.... 作戰失敗了   :p

去探爸爸口中既小臭狐, 弟弟口中既北狐狸

3 隻 BB 都長大了, 竟然 3 隻都唔同色!

兩姐弟異口同聲話要去鯊魚館, 話 D 鯊魚游得好近, 好好睇

夜場既好處, 差不多所有展覽館都冇人

高科技遊戲 -- 透視鯊魚

豹鯊魚

鯊魚 BB

鯊魚真係好近, 呢條仲係我地身邊慢游添啊!

爸爸話鯊魚其實見唔到我地, 只係見到個影, 主要靠嗅覺獵食

鯨鯊

我真係好鍾意海洋公園咁空曠呢

另一款好似鯊魚既魚 -- 中華鱘

好大條啊~~

包場呀我地 ^^

海洋公園竟然養彈塗魚, 不過我地估佢瞓左, 完全唔彈呀

因為順路, 我地未試過夜晚搭纜車落山呢

好刺激, 無端端停左 1 分鐘

職員都放工了, 未試過咁夜離開海洋公園

點都未玩晒, 熱愛動物既小明知道左海洋公園大部份動物天黑就瞓晒呢埋, 下次真係要早 D 先可以探佢地呢!