海洋公園夏水禮

從來都未去過夏水禮, 箇中原因實在係唔想攞泳衣毛巾替換衫咁多野去樂園 @.@  不過朋友話海洋做 promotion, 周末夜場 4-9pm 大人$158 小童 $79 包玩水同埋樂園其他設施, 又幾抵喎, 於是就入場啦 ^^

今日天氣超好, 小明係門口玩噴水池都玩到成身濕晒

小爪水獺都出黎玩

小慈小明冇諗過海洋公園有得玩水上滑梯

換泳衣入場玩喇~~~~

小明好鍾意呢隻青蛙

由 LINE 贊助夏水禮, 不過媽媽好少玩 Line

好多人呀!!!  不過有得玩就開心

排隊玩呢個出水鞦韆

坐穩未?

一路玩鞦韆一路俾水淋, 仲要 3 分鐘就玩完, 太搵笨, 玩過就算數啦

就係為左呢條瘋狂滑梯而來, 排隊好耐, 滑落黎 10 秒!!  所以媽媽我都唔執輸玩埋一份

最好玩呢個超級大水桶

等儲水時影下相先

黎緊喇~~  黎緊喇~~

嘩~~~  好震撼!!

由頭濕到落腳, 勁開心 :)

小明好心急去其他地方玩, 換番衫就出發!

慳時間梗係搭海洋列車

我地去左冰極天地

同朋友仔一齊玩極地過山車

望住日落玩過山車都係第一次

可能玩水已經玩到冇電, 我地決定快速醫肚先, 第一次幫襯冰極餐廳

等位期間玩踩冰玩到鞋都除埋

餐廳可以望住企鵝食飯

不過距離有點遠

坐低等食

5 家人 4 張梳化枱何其壯觀

爸爸今日咳到就死冇黎到, 我一拖二同佢地食家庭裝既帶子天使麵, 好味份量又岩岩好

山上既遊戲小明好多都未夠高玩, 為左爭取時間, Bessy 姨姨帶晒 3 個細佬落山玩威威天地, 非常唔話得!!

對海洋公園瞭如指掌既小明當然意見多多咩都想玩, 但同朋友仔一齊玩要顧及他人麻, 於是要佢玩摩天輪佢就樣衰衰

唔駛湊小明我陪小慈玩啦~~  第一次玩踫踫車

識揸車真係好唔同, 我完全識得避開晒所有撞車死位, 撞完人又快速逃離現場, 超爽呀!!

明明一大班人玩緊, 好攪笑地唔知幾時分開左男仔一隊, 女仔一隊 ^^ 三位家姐一齊飛

夜場既好處係真係唔曬好舒服, 不過時間都真係唔夠好似玩得好少野咁, 小明極度唔夠皮啦!

好, 等爸爸好番, 媽媽應承同你地再黎玩啦!