有證書仲有學員評估表, 弟弟都好高分喎! 信姑娘高度評價弟弟會成為出色既領袖, 但要佢學識溫柔真係笑 C 我, 非常中肯, 對小明非常了解!!
領袖評語:
恩明很有主見, 能給予小組很多寶貝的意見. 他很喜歡幫助導師及其他組員做事, 總願意第一位出來接受挑戰. 導師欣賞你的承擔和有責任感的心, 相信恩明在家中可承擔更多責任. 若恩明能給予更多的耐性, 與別人溝通時多一份溫柔, 你會是位出色的領袖!
Elephant 組係 5 組當中年紀最細既, 信姑娘讚全組小朋友都好有毅力! 最深刻印象係第 2 日去童軍中心野外煮食, 要去超市買食材再行去營地, 路途遙遠但佢地完全冇投訴過嗌辛苦、幾時到呀、要人幫咁, 信姑娘好欣賞! 佢地最細又要負責洗碗, 明明洗晒全組既食具就得, 但其他組傳碗碟過黎佢地又照洗, 好乖好乖!!
登登登櫈~~~~~ 黎到結業禮最緊張既時刻, 頒獎呀!! 總共有 3 個大獎:
飛躍進步獎 -- 3 日 訓練中表現有明顯進步及改善
最踴躍參與獎 -- 3 日活動中主動投入並積極參與各項訓練
抗逆 先鋒大獎 -- 3 日活動中均有表現出色, 積極參與且有領導能力, 勇於面對各種困難, 不怕畏懼
我仲估弟弟得最踴躍參與獎, 點知佢俾左個驚喜我地攞左個大獎!!!
未能親身領獎有少少遺憾, 信姑娘都好掛住佢好想親手頒獎俾小明! 唔怕啦, 出年再參加 ^^
沒有留言:
張貼留言