主日學結業禮

每逢 9 月尾就係主日學既結業禮, 一季 3 個月, 四季就一年架喇 ^^

吸晴既係台上面既禮物, 不過今日入心既係文牧師講「暗利之家」, 一個算得上係偉大既以色列王, 又遷首都去撒瑪利亞又擴大以色列版圖仲 3 代王朝添, 聖經都只係用 8 節記載佢 (參考列王記上16:21-28), 仲要最重要個一句係 -- 「暗利行耶和華眼中看為惡的事、比他以前的列王作惡更甚」..... 尊貴如一代君王即使做偉大既事但唔係神眼中看為正既, 又有何用?  返主日學, 就係要學習做神眼中看為正既事, 不可依靠自己的聰明!!

郭小明考試寫錯幾隻字, 屈居亞軍

有禮物就好開心啦

多謝惠清姨姨既教導

小慈就攞左第一名!  叻叻!  佢真係好鍾意背金句, 好喜歡聖經故事

佩思姨姨教左小慈 3 年, 多謝您!

驚喜地爸爸返主日學出席率有 8 成都有獎!  我有幾次帶左小慈小明去比賽, 咁就唔夠數了.... 嗚嗚~~

滿載而歸, 多謝天父 ^^

未返到屋企已經拆左, 超級鍾意呀!

係對戰棋黎架, 類似 master mind 好好玩

7 歲 up, 弟弟一教就識玩

返主日學學習神既話語原是基督徒既本份, 仲有禮物收真係好開心啦!

中秋節快樂

一年容易又中秋!  真係呀, 感覺岩岩先完左暑假話咁快又秋涼了.... 掃慶地, 即是好快就測驗考試  v_v

唔理咁多, 玩左先講!  今晚終於冇落雨, 可以去平台玩螢光棒了

史無前例食飯食得好快, 我們這一家竟然最早到公園

唔覺意 fing 左螢光圈上樹, 要靠高人爸爸用螢光蛇營救

觸發大家跳螢光大繩

雲層中超級大月亮出頭了

朋友在日本影的超級圓月

姑丈駛出佢既秘密武器 -- 直昇機

弟弟好鍾意個搖控器

爸爸教左兩度散手之後都掌握到

小慈對手好定, 又斯文, 控制得好好呀!

今年買左 2 盒月餅, 我食左差不多一個, 小慈小明 D 月餅引冇以前咁大, 出年可以唔駛買咁多

知唔知呢度冇左邊個果子月餅呀?..............
哈!  係冇左節制呀!  食月餅冇節制, 後果可以好嚴重 @.@

祝大家中秋節快樂~~

盪鞦韆

難得今日大家都早起身而巴士又準時, 有機會去公園玩一陣先返教會喇 ^^

家姐識既野, 弟弟通常都好快學得識

出身汗返主日學更醒神 ^^

我地今日終於遇到小靖僖返教會喇~

靖僖好乖, 係人抱都得, 差 D 想抱埋佢返屋企

靖僖 BB 對脾脾 vs 小慈對香雞手 :D

小慈唔係好敢抱, 其實我地仲驚過佢

愛上蚱猛

今日體操班放假, 弟弟即刻黐實我出太子, 問佢想去金魚街? 雀仔街? 去繽紛? 行書室?  弟弟諗都唔駛諗就話去雀仔街, 佢話要捉蚱猛!  同埋, 去雀仔街都會經過花墟又可以順便睇埋花, 佢又講得好岩喎 ^^

近來熱愛豬籠草, 見出面街靚過自己屋企個盆咁多, 旁敲側擊想我買過盆返屋企!  我話：「你唔俾機會屋企個盆豬籠草呀? 佢未死架噃, 仲好有意志生緊新豬仔, 你唔要佢拿?」講完就記得, 唔再貪新忘舊, 算你乖啦

去到雀仔街, 初時弟弟見到地下有蚱猛, 話俾店主叔叔聽, 叔叔一手捉左就想放入弟弟個衫袋, 弟弟縮後避開, 叔叔即刻鬧弟弟冇膽, 仲收埋隻蚱猛唔俾佢!  我問弟弟, 你好驚咩?  弟弟好細聲同我講:「我個袋入面有包爆炸糖, 我唔想隻蚱猛整污糟我包糖, 我都唔係驚!」果然, 轉個頭就自己捉左一隻

同隻蚱猛玩左好耐, 俾塊花瓣佢會自己抓住, 弟弟好似釣魚咁同佢玩

蹲係地下睇雀, 有另一隻蚱猛跳上弟弟膊頭, 好攪笑!  弟弟話 D 蚱猛好鍾意佢, 我話可能你著綠色衫佢地以為你係棵樹呀  :D

因為順路所以去埋繽紛, 非常有節日氣氛, 好多燈籠呀!

弟弟好鍾意呢個鴨仔燈籠

超大隻白兔燈籠

實在太開心, 弟弟話如果個個星期都可以跟我出太子就好喎!

聖經問答比賽 2015

小慈代表幼稚級參加過一次聖經問答比賽, 原來已經事隔 3 年, 今日代表啟三班參加 ^^

比賽開始之前主動同埋好朋友李心蕎走去做招待派程序表

今日參賽既隊伍好多

啟一 (小一組)、啟二 (小二組)、啟三 (小三組) 舉手!  弟弟舉手舉到盡個樣好得意 :)

幼稚級既時候, 小慈 K3 小明 K1 同組, 點知問極弟弟都唔肯上台話自己冇溫習, 3 年後既今日, 弟弟要決戰小慈家姐了!!  賽前惠清姨姨加時同佢地溫書, 小明個樣認真得黎好豪邁

必答題 10 條

比賽開始喇~~

弟弟坐正中間做隊長, 眉頭緊縐作答時個樣好認真, 答完就輕鬆晒仲識望住我笑

小慈既必答 10 題

小慈答到蚊之咁細聲就知佢好緊張, 最後都答岩晒, 大家都 100 分, 好叻叻!!

搶答題戰況激烈, 次次主持人未問完問題小明就襟鐘仔, 俾佢搶晒黎答, 所以小慈家姐輸左個馬鼻得 160分, 好刺激呀!!

小慈好努力溫書背金句, 其實佢係識晒所有問題既, 只係驚驚欠缺信心, 就算識都會先將個咪遞俾隊友答, 唔識佢先答, 同小明個隻信心爆棚搶咪既表現相映成趣

頒獎時間~~  亞軍啟三班  小慈、心蕎、鈞佑

冠軍啟一班  程熹、芷蕎、智賢、小明

驚喜大獎!!  原來啟一班係聖經問答比賽咁多組之中最高分既一組, 200 分成為全場總冠軍!!

好叻叻呀!!!

禮物原來係食物黎架, 皆大歡喜 ^^

聖經都是 神所默示的、於教訓、督責、使人歸正、教導人學義、都是有益的 (提後 3:16)

透過比賽, 測試自己對神話語既認識, 透過溫習, 常常研讀神的話語, 對個人既靈命成長有莫大既幫助架!

小慈小明 well done!!