招呼同學仔

街坊街里又係同學, 梗係要一齊食餐飯啦!  今晚請左信盈信熙兩兄妹上黎

信盈同小明係同班同學

信熙哥哥係武術班師兄, 同弟弟砌磋砌磋中

鐵板燒牛柳粒, 秋師傅今晚一個餵飽 8 個, 辛苦晒  ^8^

Merit

終於收到成績喇!!  小慈 5 月考既英國皇家音樂學院二級琴試, 終於有結果喇~~

Da La..... 124 分  Merit 呀!!

入試場前睇住佢眼圈紅緊張到想喊, 仲諗住佢死梗, 連小慈都估自己得 101 分, 所以好驚喜呀!!  琴老師 Miss Sukey 整左支錦旗佢.... 影相   >0<  如果佢 sight reading 唔係咁屎, 攞 Distint 一 D 都唔難

都好叻女架喇!  學左咁耐終於都可以升 Le~~

得獎

無意中發現小慈小明上台攞獎 ^^

望左好耐先知原來係網上練習得獎, 好有鼓勵性呀!

呢張都係網上練習, 但就勁好多, 小明話係最高分個三個先有喎!

小慈代表中國舞班領取校際舞蹈節甲等獎, 為校增光 ^^

雖然冇大既學術獎, 但只要你有進步, 老師係知道架!!  小明上學期中文肥佬, 但下學期進步神速連升 3 級由 D 變 A, 老師私人醒左 D 文具送俾佢, 一個認同及鼓勵令小明開心到不得了  :)

平時做功課做得好又有獎勵卷又可以貼堂, 老師俾一年班特別多既鼓勵

呢份功課係影印本黎架, 原著已經俾左老師  ^^

加油呀!  讀書係辛苦, 但讀書係最公平既, 有付出必定有收穫!!

聖樂部就職禮

一年一度聖樂部就職禮, 城潮浸音樂事工特別有恩賜, 今年由初詩及兒詩負責獻唱, 小慈小明同台演出, 一左一右好難影相.... 小慈今年超乖, 肚仔超唔舒服都堅持獻詩

冇里正經既小明 @.@  成個詩班最細佢地喇~

有口的都當讚美耶和華 -- 哈利路亞讚美主

又黎古靈精怪

兒童詩班數目眾多, 除左 May 姨同文英姨, 仲要多 3 個姐姐幫手先攪得掂

我今年都有幸被揀選成為副詩班長, 多謝弟兄姐妹支持

當樂意事奉主!!  來到恩主台前用詩歌頌主

教會慰勞眾詩班員, 每年都有聚餐, 今年小慈面青青都照去

從小開始事奉

美食當前, 肚仔唔舒服食得好少

兩姐弟最鍾意食自助餐

同楊梵城會佐合照

同枱合照, 得佢兩個小朋友咁多姐姐姨姨照顧梗係開心啦

城景國際, 交通方便, 一出門口就有巴士返屋企, 太正了!

努力事奉主!

你吞我又吞

小明由細到大食藥都好乖, 好合作, 但上年開始佢有一次咳左好耐, 醫生轉左一隻超強咳水俾佢, 應該係好難食, 因為佢一食就嘔   >.<   自此之後, 一見到支黑色既咳藥水就反胃, 未食就嘔定先!!  仲連帶其他藥水都唔願食, 又氹又鬧又出朱古力奶提子汁送藥都攪唔掂

今次又病左, 無端端發燒, 話自己喉嚨痛, 明明聽到佢有幾聲咳但因為怕左唔想食咳藥水就話自己無咳  @.@   咁唔得架麻!!  於是我問佢, 想唔想好似小慈家姐咁吞藥丸?

小明對眼即刻發光, 佢冇諗過自己可以!  縱然自己未試過吞藥丸, 但點都好過食到嘔!  於是二話不說要求醫生開藥丸!

最好笑小明話：「醫生問左我十幾廿次係咪真係要藥丸?  我答佢十幾廿次係佢都繼續問, 好懷疑我係咪真係識吞, 我得架!  佢仲嚇我開左藥丸冇得轉番」

好憎支咳藥水, 俾左個 dislike 佢!  雖然第一次俾 D 藥黐住條脷苦過 dee dee 輪盡都不得了, 但試多幾次就順利好多, 好叻仔呀!!

作為媽媽, 我最想既就係你唔病啦!

反轉牙醫診所

每半年一次牙科檢查, 學校放半日都趕到裙拉褲甩, 下次都係要等小慈小明學校假期先可以出動

3 歲就開始洗牙既小明絕對駕輕就熟, 不過要佢唔講野就辛苦 D

洗牙姐姐話 10 秒攪掂, 佢真係走去數人地, 又話姐姐 D 牙膏似 wasabi

洗完自己棚牙就到洗人地棚牙, 洗牙姐姐話每隻牙要擦 10 秒, 擦晒成棚牙用 2 分鐘就岩岩好

毫不客氣, 問洗牙姐姐攞貼紙

小慈上次痛苦地碌上顎 4 隻大牙, 而家都出緊新牙喇 ^^  不過牙醫姨姨話佢個牙較真係好細, 遲下連恆齒都要剝其他牙先夠位生.... 唉

小慈小明真係好鍾意出街, 就算去超級市場都係一種節目, 我地今日滿載而歸  :)

牙齒伴你一世, 要好好保護!

麻婚 12 年

真係好奇怪... 點解結婚 12 周年叫「麻婚」?  唔係解麻木掛?  唔會喎, 我仲係好愛我個老公喎!  望穿秋水終於考完試派晒卷返半日冇功課, 我同我最愛既秋秋即刻出街食飯, 浪漫地渡過我地既結婚周年紀念 ^^

@ Sheraton  塊鵝肝真係冇得頂!!!  望住車水馬龍街景真係一流  :)

酒店仲好好送蛋糕俾我地慶祝 -- 秋秋 Love You Forever  ^8^

Facebook 真係厲害, 而家有個 look back 功能, 今日一上網佢就話俾我知 3 年前既結婚周年我地去左海洋公園!!  佢唔講真係唔記得, 你睇小慈小明個樣幾細個 ^^

仲有祝我地結婚週年紀念日快樂!  So Sweet :)

我好鍾意呢幅圖, 戴起呢對戒指, 你確實係要凡事包容、凡事相信、凡事盼望、凡事忍耐

Happy Anniversary!  I Love You 秋秋!  感恩沿途有你   *8*

好文分享 - 先做好男好女, 才會是好夫好妻

父親節獻詩

弟弟既兒童詩班母親節獻詩, 小慈既初級詩班父親節獻詩, 非常公平

小慈準備出場

今日獻唱 Little Eyes Are Watching You, 小慈企係角落, 細細粒好易認

歌詞好有意思, 作為父母真係要以身作側, 我地既一言一行都會影響小朋友既成長

獻唱完, 初級詩班代教會致送紀念品俾在場所有爸爸

包得好靚呀 ^^

小慈一支箭咁標出黎親手送禮物俾爸爸

又走上台送俾文牧師

教會仲特別製作一輯短片向所有父親至敬 (所有媽媽幕後參與) 見到自己個樣出現在教會螢光幕當然好驚喜啦  :)

你倆個乖乖聽話就係送俾爸爸最好既父親節禮物

父親唔易做

 感恩我地有個超強既大父親教導我地做父親

用神的話語教導自己, 教導子女, 就是到老也不偏離!

秋秋, 父親節快樂!