迷你兵團真係好犀利, 由二奶坐正做大婆做主角, 直情開套戲叫迷你兵團, 講迷你兵點係邊度黎? 小慈小明梗係去睇啦!!
小明高過好似小朋友咁既迷你兵喇 ^^
Stuart 小小超, Kevin 加分, Bob 阿卜做左主角
小小超出名論盡, 加分今集做大阿哥, 阿 Bob 純過純純兔
我個人鍾意心地善良既阿卜多 D
I break the rules! 連結他都打爛埋
睇戲點少得汽水
仲有爆谷, yum yum!!
套戲好好笑! 但你一定要睇番壞蛋獎門人第一、二集, 如果唔係你唔知佢講咩唔識笑
故事內容:
回到盤古初開, 一群黃色粒粒逐漸演化成可愛的「迷你兵」, 佢地一直以效力大壞蛋為生存目標! 然而暴龍、法老王、拿破崙、甚至是德古拉伯爵, 統統盡墨. 找不到合格的邪惡主人, 強大的迷你兵團頓變一盤散沙, 生活完全失去方向..... 此時, 迷你兵大哥哥加分、反叛的小小超和趣緻的阿卜決定要走遍世界, 踏上征途尋找新主人 -- 世界上首個超級女壞蛋 Scarlet Overkill 煞天嬌, 真正的冒險才正式開始.....
迷你兵身世之謎 -- 盤古初開, Minions 係一粒細胞, 在海上隨波逐流, 為的是尋找終極邪惡 Boss去追隨, 之後慢慢演變成有手有腳仲要戴眼鏡既 Minions
跟過暴龍 (小明見到 T-Rex 勁興奮, 笑到攣埋一舊 ^^ )
拿破崙
法老王
德古拉伯爵
前前後後轉過 10 個 Boss 因為佢哋成日「唔小心」殺咗自己個 Boss!! 最後迷你兵終於搵到合格的邪惡主人 -- 世界上首個超級女壞蛋 Scarlet Overkill 煞天嬌, 佢擁有豪宅同私人飛機, 一跟到勁 Boss, 迷你兵個樣係會好滿足, 好攪笑呀!
Minions 聽煞天嬌老點, 膽粗粗去偷英女皇既皇冠, 小小超負責迷暈守衛同佢地載歌載舞, 守衛愈跳愈 high 變咗脫衣舞騷, 小慈小明即刻同聲地 「依~~~~~~~~~~~」 左出黎, 笑屎我喇!!
咁受歡迎, 麥當勞出開心樂園餐, 壞蛋獎門人個時我地錯過左, 今次要換番晒!
大量新產品
Banana!!
小慈話黃色唔應該淨係得 Banana 架! 果然有先見之明, 芒果迷你兵新地筒, 好好味!
呢張真係笑屎我
係我專心等緊個個星期五換公仔之際, 麥當勞竟然又出新野, 真係冇命 @.@
好得意呀~~~~~ 心心眼
McCafe 又有另外一款特別版
$100 包一套餐具再加 4 杯咖啡, 都唔算掠水太深
幫襯麥麥送又有另一款特別版
幾經辛苦, 終於買齊晒喇 ^^
小慈小明話要用佢地黎食 jelly 仲有帶番學校食飯用喎! 都係為左你地先換架啦 :)
周邊既產品真係好多, 我特別欣賞呢幾支 Glue stick! 犀利哥英文名 Gru, 同 glue 個音好似, 好有諗頭呀!!
除左的嗒糖仲有軟糖
迷你兵巴士都有!!
好想搭呀!! 又心心眼
真係俾小慈搭到
下層
上層
成個車頂都係
背脊都有廣告
車尾
連港鐵都係!!!
超勁!
舖天蓋地 Minions!! 中毒已深......
