避年布吉之旅 Day 5

自由行既好處係好自由, 不過始終拖住小朋友有 D 唔方便  >.<  黎左泰國咁多日仲有一樣野好想做但完全冇機會做, 今日 last day, 我地索性豁出去, 賣甩小慈小明留係酒店玩, 我同秋秋自由鳥~~~

酒店旁邊原來有條窄巷, 以為係民居點知內有乾坤!!

無錯!  去得泰國點能夠唔試泰式按摩?!  呢條巷入面係真係民居, 不過佢地前舖後居做埋生意.  好好笑架, 我借廁所, 入面全部係 BB 衫, 洗手盆入面佈滿奶樽 :)

你睇中國人威力幾宏大, 價目表都中英對照, 不過好明顯佢地係用 Google translate -- Oil, Thai Massage 直譯 石油  泰式按摩  @.@

唔理咁多, 等我地試下個石油先啦 ^^

爽完個零鐘, 係時候返酒店接番小慈小明, 原來係房玩緊捉迷藏!  呢個位都呢到, 小慈你真係無敵呀!!  就係我地拍埋兩張單人床中間個條罅!!!

係時候 check out, 用番尋日架麵包車送我地去機場

小明蝦爸爸, 等我影低你先

咁都俾我影到隻牛!  泰國 D 牛好淺色

仲影到隻大笨象

Hong Kong Restaurant 都有一間!

爸爸, 返工喇!  唔講唔知泰國人係會自動自覺買保險, 所以只需要一個職員坐 counter 收表答問題就 ok!  秋秋非常慨嘆香港係咁就好啦, 生意易做好多

交通暢順, 45 分鐘已到機場

不過櫃台職員手腳好慢, 寄行李都攪左好耐

過關又攪左好耐條龍長到咩咁, 攪掂已經夠鐘上機, 我地要食杯麵做午餐, 真係估唔到

為左洗晒 D 散紙, 我買左兩隻大笨象公仔俾小慈小明, 極度驚喜開心, 本來唔捨得布吉都笑住上機

Bye Bye 泰國~~~

杯麵唔頂肚, 小慈第一次食晒成碟長通粉

返到香港了!  又搭番無人駕駛出去, 落機已經 7:30pm, 咁就無左成日

過關超快, 有專人笑口常開送上大利是, 意頭意頭, 開心開心, 香港先有 D 咁既野 ^^  

仲以為有醒獅表演歡迎我地返黎咁高興添!  應該有既, 而家醒獅收左工姐  >v<

一行埋去已經有行李, I am really proud of Hong Kong!!

今次旅程非常舒服開心!  真係冇諗過農曆年係沙灘渡過, 慣左幾日熱, 返到香港又唔太凍真係好感恩!